Foz, 3 de maio de 2013. O alcalde de Foz, o popular Javier Jorge Castiñeira, considera que o portavoz de Unifoz, Jaime Cancio, quere facer de técnico de Canles e Portos analizando os estudos para a construción do novo porto. O rexedor considera vergonzoso e alarmista que despois de ver os estudos durante un hora xa saque conclusións e recoméndalle a Cancio que non xogue a enxeñeiro, que deixe de alarmar, que sexa construtivo e que deixe traballar aos técnicos de Portos de Galicia, ente autonómico que está comprometido con Foz, como o demostra que en breve van empezar as obras de dragado recentemente adxudicadas.
A Javier Castiñeira sorpréndelle que “o portavoz de Unifoz, o señor Cancio, agora veña a presumir de técnico de Canles e Portos. Paréceme bastante vergonzoso e alarmista que este señor veña aquí unha hora pola mañá e lea o estudo de alternativas, no que se está traballando, e un estudo hidrodinámico, que tardaron os técnicos dous ou tres meses en facelo, e veña agora o señor a Cancio a sacar conclusións. O que temos é que deixar traballar aos técnicos de Portos de Galicia, que son os que teñen que dar a solución para ese porto”.
“Do que nós estamos completamente seguros é de que Portos de Galicia é un ente que está comprometido con Foz, que está buscando a solución técnica e viable para un porto deportivo. Debemos deixar traballar a toda esa xente, que é a que verdadeiramente o que ten que facer”, manifestou o alcalde, quen engadiu que “o señor Cancio quere xogar a enxeñeiro, pero eu creo que non é o momento. Que deixe de alarmar, que deixe de poñer zancadillas e que se centre en ser un pouco máis construtivo. Que deixe aos técnicos de Portos de Galicia seguir traballando, que son os que están facendo os estudos e os proxectos correspondentes. Estamos actuando con transparencia absoluta neste sentido, pero nosoutros non somos quen para dicir se é viable ou non ou estudo, non somos as persoas que o deben facer senón os propios técnicos de Portos de Galicia, que son os que teñen que dar solucións”.
O goberno municipal focense ten claro que “Foz necesita un porto deportivo coa capacidade que precisa un pobo turístico coma o noso, que non a temos, e que se dea solucións tamén, evidentemente, aos problemas que temos agora. Unha delas vai ser precisamente ese dragado que imos ter agora, antes do verán, que está adxudicado e que en breve será contratado e nos próximos meses se empezará esa obra. Ese é o compromiso de Portos de Galicia, mentres que o señor Cancio actúa o revés para tratar de desfacer”.
E finalmente o rexedor municipal recoméndalle ao portavoz de Unifoz “que deixe traballar aos técnicos, que se deixe de aventuras e de tecnicismos e que reme a favor do Concello de Foz, que é o que ten que facer. Que mire un pouco como o resto dos grupos políticos, de forma completamente consecuente, o están a facer”.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
