Ribadeo, 7 de maio de 2013. O sábado, 11 de maio, catro rúas e unha avenida recibirán os novos nomes que foron acordados por unanimidade nun pleno da Corporación Municipal. Serán as rúas Juan Suárez Casas, José Couso, dos Garitos e Segundo Moreno Barcia e a avenida Ría de Ribadeo.
O alcalde, Fernando Suárez, explicou que “nestes días estamos mandando unha serie de invitacións para que os veciños das rúas e da avenida en cuestión participen con nós nesta festa que organizamos toda a Corporación Municipal no momento de descubrir as placas dos espazos públicos, das rúas ou das avenidas ás que acordamos hai meses darlles novos nomes. E facémolo porque os que tiñan ou ben eran confusos ou o servizo de Correos non identificaba a algúns por seren espazos moi amplos que tiñan soamente unha denominación e iso facía imposible que unha carta puidese chegar correctamente ao seu destino”.
O rexedor dixo que “este sábado, 11 de maio, faremos o descubrimento de catro rúas e unha avenida nos barrios de O Xardín, Os Garitos e Vilar. Unha desas rúas levará o nome de Juan Suárez Casas, que foi un científico e alcalde de Ribadeo a finais do século XIX. Outra delas chamarase rúa José Couso, que leva o nome deste xornalista, cámara de televisión, que foi asasinado e que foi vítima dun conflito ocorrido en Irak hai dez anos. Recuperamos tamén a toponimia para a rúa dos Garitos e dámoslle unha rúa a Segundo Moreno Barcia, que foi deputado a finais do século XIX polo distrito de Ribadeo e foi o redactor dun proxecto de constitución da primeira corte federal naquela época. E finalmente inauguraremos a avenida Ría de Ribadeo unindo as rotondas de Dompiñor e Vilaselán, todo ese treito levará ese nome”.
Os actos de descubrimento das placas darán comezo ás 11:40 horas na rúa Juan Suárez Casas, seguirán na rúa José Couso ás 12:00 horas, na rúa dos Garitos ás 12:30 horas, na rúa Segundo Moreno Barcia ás 12:50 e na avenida Ría de Ribadeo ás 13:10 do mediodía. En cada una delas unha representación de alumnos/as da Escola Municipal de Música e Danza de Ribadeo interpretará pezas musicais.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
