O asociacionismo ten en Foz vellas raíces, que non só non esmoreceu, senón que foi a mais e segue, sabedores os cidadáns de que é o vieiro axeitado para a dinamización dunha sociedade que, sobre todo no cultural, precisa do estímulo, a participación e a solidariedade das xentes ás que dirixen tódolos esforzos e iniciativas. Unha ollada á historia destes movementos cidadáns lembra que agora mesmo, ou en datas de arredor, vivimos tempos de efemérides, de celebracións de iniciativas populares, non institucionais nin dirixidas polo poder que, permanecendo ó longo dos anos, deixan o seu ronsel na vivencia veciñal. Están de cumpreanos, con idades significativas.Poucos días hai, recordábamos cómo en 1918 se creaban aqueles Socorros Mútuos en tempos tan pobres, de fames colectivas, enfermidades sen recursos, miseria…As cousas cambiaron pero aínda nos anos sesenta a entidade tiña un médico para a atención dos socios. En 1929 fúndase a Confraría de Pescadores. En 1975 (hai pretiño de 40 anos) xurde a Asoc.de Veciños O Castro, aínda que ó parecer como plataforma política pois ó xurdir as primeiras eleccións democráticas os mais significados promotores presentáronse ás mesmas en distintos partidos. Pasadas aquelas esqueceron a Asociación; houbo que rescatala. En 1978 creouse O Feitizo, hoxe grupo folclórico. Este mesmo ano (hai 35) comeza a andaina a Asoc.das Amas de Casa e un ano mais tarde a de Viúvas. En 1980 (hai 33 anos), nace os Amigos das Setas Os Bolouros e ó ano créase o Clube Náutico. En 1983 (hai 30) xurde o Radioclub Costa Lugo e a Coral Polifónica que percorre o país e parte de Francia e Portugal colleitando sonoros trunfos en prestixiosos escenarios. Nace en 1989 (hai 24 anos) a Asoc.Cultural A Pomba do Arco, de tan brillante currículo, a Asoc.de Comerciantes (ACIA) que acaba de celebrar as vodas de prata, efeméride cara á que camiña A Subela, e no vindeiro agosto a Banda celebrará os 20 anos do primeiro concerto. Outros colectivos desta índole, que realizan un laudable labor, existen nas parroquias, dos que carecemos de datos.
Suso Fernández
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
