Mario Outeiro explicou que se trata dun “portal web que xunta nunha axenda toda a actividade cultural da provincia e permite a calquera organizador, concellos, asociacións, colectivos culturais, publicitar as súas actividades”
Mario Outeiro destacou que “esta ferramenta permite igualar as posibilidades de promoción dos eventos dunha asociación dun pequeno concello da nosa provincia a un concello grande con infraestrutura propia”
“É unha aposta pola promoción cultural desde a base, agora que o AGADIC está a reducir drasticamente o seu apoio ao sector” afirmou Outeiro
Lugo, 14 de maio de 2013. O delegado de Cultura e Turismo da Deputación de Lugo, o nacionalista Mario Outeiro, presentou esta mañá no salón de actos do Pazo de San Marcos, o portal web LugoMove, “unha ferramenta cultural que servise de nexo de unión entre todos aqueles axentes que son dinamizadores da Cultura na provincia de Lugo”, segundo definiu o propio Outeiro. “É unha aposta pola promoción cultural desde a base, agora que a Xunta de Galiza desde o AGADIC está a reducir drasticamente o seu apoio ao sector” afirmou Outeiro.
Mario Outeiro explicou, ao mesmo tempo que se abría a páxina web para uso público e se mostraba aos medios, que LugoMove “nace coa pretensión de ser un espazo de referencia sobre os recursos culturais e de lecer existentes na provincia de Lugo, un portal no que se reúne toda a oferta de actividades da provincia, onde o usuario poderá acceder a toda a información sobre as diferentes actividades (concertos, exposicións, obras de teatro, festivais, espectáculos de danza, circo…) que se organizan en cada comarca. Ao mesmo tempo que “LugoMove” se presenta como un punto de referencia para o usuario a través da súa axenda de programación, tamén pretende ser unha ferramenta de difusión a través do apartado de colaboradores. Desta maneira, os Concellos, asociacións, grupos, compañías e todo tipo de entidades poden dar a coñecer as súas actividades de lecer dentro da provincia de Lugo a través desta axenda cultural”.
O delegado de cultura e turismo destacou que “esta ferramenta permite igualar as posibilidades de promoción dos eventos dunha asociación dun pequeno concello da nosa provincia a un concello grande con infraestrutura propia, porque non nos enganemos, non son máis importantes os eventos que máis repercusión teñen e hai actividades de pouca afluencia de xente que atesouran unha transcendencia cultural e de posta en valor do noso patrimonio que resulta de vital importancia para Lugo e Galiza”. Esta web vai neste camiño, quen queira ir a unha actividade nunha comarca lucense vai ter tan a man a información dun gran festival coma dunha foliada da asociación veciñal do lugar.
LugoMove serve para darlle oportunidades a todo o mundo, para que unha persoa de Cervantes, da Ribeira de Piquín ou de Lugo poidan ser coñecedores das actividades culturais que se levan a cabo no seu contorno. LugoMove é unha páxina dinámica, aberta e plural que no día a día vai a ir medrando e achegando novos eventos para que todos e todas sexamos coñecedoras deles; con esta presentación o que queremos é que máis programadores (tanto de asociacións, como doutras administracións) consideren que Lugo Move é a casa común para promocionar todas as actividades culturais que se levan a cabo no noso territorio. Por outra banda, tal e como sinalou Mario Outeiro, unha das suxestións que o tecido cultural fixo nunha das múltiples xuntanzas mantidas foi a posibilidade de que unhas asociacións culturais estivesen informadas das actividades doutros colectivos, para así non facer coincidir eventos semellantes o mesmo día, evitando unha contraprogramación por descoñecemento.
Mario Outeiro destacou tamén “o potencial turístico, a nivel de promoción do turismo interno, que ten esta páxina, xa que fai coñecedor aos lucenses de diferentes comarcas do quefacer cultural doutras comarcas, co que se incentiva e se dan alternativas de ocio cultural á hora de programar unha viaxe”.
Calquera programador pode achegar un evento a través dun sinxelo formulario na propia páxina web, e logo de validalo este estará publicitado e poderá ser visto facilmente por quen visite a web, que poderá buscalo por datas, zona, tipo de evento cultural, grupo ou compañía, etc.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
