Cumprindo co vello ritual, que se celebra dende tempo inmemorial, terá lugar este venres, a traslación da imaxe do bispo Gonzalo, dende o aposento habitual na igrexa de San Martiño, ata a capela conmemorativa do milagre do afundimento das naves normandas. Alí o Santo recibirá, durante o vindeiro fin de semana, a homenaxe relixiosa dos romeiros en forma de oracións, a pagana con entusiásticas ofrendas báquicas e gastronómicas, e tamén a lúdica con danzas, músicas e gaitas. Trátase dunha ancestral historia, á que levan prestado atención historiadores, escritores e poetas. No número de maio de 1911 da revista “ Vida Gallega”, Alfredo G. Dóriga publicaba un artígo co título “ El Obispo Santo. Leyenda galaica” no que do contorno da igrexa faí esta curiosa descrición: “Hállase San Martín distante del mar y escondida, como la gruta de una gamuza, entre las rocas de los montes. Elévanse, entre cuatro casas negruzcas, de humilde apariencia, la soberbia y antiquísima iglesia, cuyas bellezas restaurara en muy pequeña parte, en el siglo XIX, el obispo de Mondoñedo, don Ponciano de Arciniega. Parece aquel soberbio montón de piedra un gigante caído en la concavidad de la montaña, para ser arrullado por el quejido de la tempestad y por el eco bramador del espumoso torrente….”
“Allí sólo se ven alturas y barrancos, cañadas y montes, y desde la aldea llamada El Carmen podrá descubrirse una hermosa extensión de terreno. Descendiendo de él distinguireis el lugar de Mourente, y en la llanura, salpicada de melancólicos pinos, la capilla del obispo Santo, que la piedad de los fieles erigió al venerado Gonzalo, al que se atribuye que en dicho punto prestó su intervención para hacer naufragar a una escuadra normanda….” O escritor relata a lenda, coñecida por todos; envólvea nun roupaxe literario romántico e grandilocuente, tan do gusto da època. … “.
Son outras as modas e os modos; pero no fondo é sempre igual: a xuventude, a ilusión, a alegría e o amor, serán hoxe, como o foron onte, os protagonistas nesta nova edición do vello ritual…
Suso Fernández
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
