Despois das últimas declaracións do Sr. González Barcia en relación á pista de pádel, queda claro que o Goberno Municipal do PP xa non sabe o que inventar para saír nos medios. Esta é a última das “ocorrencias” ás que o Sr. Barcia nos ten tan acostumados e que demostran que o equipo de goberno non ten ideas nin iniciativas propias e que xa non está capacitado para gobernar.
Primeiro dinnos que hai que demoler as pistas de pádel porque son ilegais e só unhas semanas mais tarde din que xa está todo arranxado, como non, grazas á súa “excelente xestión”. Resulta cando menos curioso que o que non puideron resolver en “20 meses” o solucionen nunhas semanas, ou será que é todo unha escusa para saír na foto? Desde o BNG pedímoslle ao equipo de goberno máis seriedade, máis traballo, menos fotos e que deixen de enganar aos veciños e veciñas de Burela.
Se de verdade son honestos, que digan como actuou ante este tema a Xunta de Galiza, gobernada polo PP. Entre fins de 2010 e comezos de 2011, estando o BNG no goberno municipal, enviouse toda a documentación requirida polos distintos organismos da Xunta para facer esta obra conforme á legalidade. Pero a Xunta do PP, tan dilixente e tan traballadora coma os seus compañeiros de Burela, “esqueceuse” deste tema e, dous anos despois, a comezos deste ano 2013 solicitou outra documentación ao Concello. Polo tanto, a demora no tema vén motivada pola neglixencia da Xunta de Galiza que tardou máis de 2 anos en resolver este expediente.
Por outra banda, non deixa de sorprendernos que o informe de legalidade do que agora fala o Sr Alcalde non afecte tamén ás pistas de tenis que se atopan ao lado da pista de pádel. Hai que lembrar que estas pistas de tenis foron construídas en 2007 (sendo Alcalde daquela o Sr Barcia) e no Concello non se atopa ningún expediente que fale desta obra e da súa legalidade…
Máis unha vez, encontrámonos ante unha actitude claramente demagóxica do alcalde e do seu equipo, que só buscan desprestixiar e correr unha cortina de fume ante a súa incapacidade para gobernar. De todos os xeitos, non nos estraña nada que a primeira idea que tivesen en relación ás pistas de pádel fose a da súa demolición, pois recoñecemos que nese campo son uns auténticos mestres. Son expertos en demolición de servizos públicos, en sanidade, en ensino, servizos socias básicos como a dependencia, axuda no fogar… O Sr. Feijóo na Xunta e o Sr. Rajoy no goberno do estado son os grandes mestres da demolición pública en contra das maiorías socias e parece que o Sr. Barcia está entre os alumnos máis avantaxados e que vai a por nota.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
