Burela, 20 de maio de 2013. A XV edición da Feira Monográfica Náutico Pesqueira Expomar está xa en pleno proceso de montaxe e instalación de stands dos distintos expositores, e nos próximos dous días será o momento de ultimar detalles.
Así o puido comprobar o alcalde burelés e presidente da Fundación Expomar, José María González Barcia, que hoxe, acompañado pola xerente da Fundación, Catalina Sánchez Luengo, revisou o proceso de montaxe da feira na nave de redes ubicada no recinto portuario.
González Barcia puido comprobar que os traballos van segundo o previsto e que “todo vai estar a punto o vindeiro xoves día 23, se non hai ningún imprevisto de última hora”. O rexedor tamén manifestou que “contar cunha nave destas características é unha enorme vantaxe con respecto ás carpas que se utilizaban con anterioridade”.
A xerente da Fundación Expomar, Catalina Sánchez Luengo, manifestou que “o mesmo xoves pola mañá aínda haberá stands ultimando detalles, pero o forte da feira creo que estará totalmente listo á hora da apertura e por suposto da inauguración”. Apertura e inauguración que están previstas para o xoves, ás 12:00 e ás 13:00 horas respectivamente. A feira será inaugurada pola conselleira de Medio Rural e Mar, Rosa Quintana Carballo, o que demostra segundo González Barcia “o manifesto interese que a Xunta ten por este evento”.
Patricia López Eijo, concelleira do Mar, indicou que “temos que seguir apostando polo sector pesqueiro, e Expomar é unha boa mostra do mesmo. Precisamente nestes momentos nada bos para a economía en xeral é cando temos que apostar polo que fixo e fai Burela, e sen dúbida tamén axudará de forma relevante a facer Burela no futuro”.
O rexedor burelés ratificou o seu convencemento, expresado nas últimas semanas, de que “esta edición de Expomar vai ser un éxito. Hai un dato que corrobora o que digo, e é que os hoteis de Burela xa teñen todo reservado para os días da feira”.
A concelleira de Turismo, Mónica Pedre, manifestou que “o que di o alcalde é moi relevante para a economía local. Ademais, non hai que esquecer que Expomar é sen dúbida unha inmellorable promoción do noso concello. Todo o que sexa aportar movemento ó sector hostaleiro repercute positivamente en toda a economía burelesa e mesmo da Mariña”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
