Burela, 23 de maio de 2013. O salón de plenos do Concello acolleu un encontro informativo entre as persoas que están inscritas na bolsa de emprego e representantes de tres empresas temporais. Segundo o alcalde, José Mª González Barcia, o obxectivo “é informar a esas persoas das alternativas que hai actualmente de cara a atopar emprego”.
O rexedor manifestou que “desde o Concello de Burela entendemos que estas labores de formación e información son positivas, tendo en conta a complicada situación actual e nese sentido o que se lles dixo aos asistentes é que imos continuar nesta liña. O Concello de Burela continuará informando ás persoas que están inscritas na bolsa de emprego sobre as alternativas das que dispoñen e das que xurdan no futuro e seguiremos apostando pola formación”.
O concelleiro de Emprego, José Casas, e o alcalde, José Mª González Barcia, lembraron que “estamos formando a 75 persoas en catro cursos que tiveron lugar durante o outono e tamén neste obradoiro de emprego que estamos a ter agora mesmo e que rematará a finais de xuño. En total a Xunta para todo isto aportou 300.000 euros, que é unha cifra importante. E aínda sendo conscientes de que a formación e a información custan cartos desde o Concello seguiremos apostando por estas liñas porque a nosa obriga é atender aos cidadáns e tentar cubrirlles as súas expectativas”. O equipo de goberno sabe que “a situación non é nada fácil, pero nesta liña de traballo estamos dispostos a seguir, como o demostra o cambio que se vai producir proximamente das instalacións do centro ocupacional, que si o informe da Xunta vai ser favorable e todo indica a que así será, cambiará de cara a mellorar tamén a capacidade informativa e formativa dos desempregados”.
Para González Barcia “o servizo de emprego do Concello de Burela está a funcionar de forma axeitada e quero desde aquí felicitar ás persoas que forman parte del e ao concelleiro delegado, José Casas, porque está a facer una boa labor”.
Na actualidade na bolsa de emprego do Concello de Burela hai inscritas máis de 420 persoas. O edil de Emprego, José Casas, tildou de éxito a xornada de hoxe, que encheu o salón de plenos da Casa do Concello.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
