Os alumnos da Escola e Imaxe e Son da Fundación TIC, organismo dependente da Deputación de Lugo, darán a coñecer este xoves día 20 a todos os lucenses o traballo que desenvolven no centro educativo coa celebración da segunda xornada de portas abertas, Abertic. Tras o éxito acadado na primeira edición, e coincidindo co remate do curso escolar 2012/2013, os estudantes, acompañados polo equipo docente e técnicos da TIC, realizarán numerosas actividades ó longo do día, coas que introducirán ós asistentes ó evento no mundo da Imaxe e do Son e das novas tecnoloxías. A entrada é gratuíta.
O programa Abertic comezará ás 11:00 horas, coa recepción dos asistentes os cales poderán posar no “photocall” situado á entrada, e prolongarase ata as 20:00 horas. Haberá actividades tanto nos exteriores como nos interiores do recinto educativo, situado na rúa Frei Plácido Rei Lemos de Lugo. Os participantes recibirán, ademais, varios agasallos que se repartirán ó longo de toda a xornada.
Obradoiros de radio, televisión, fotografía e vídeo
Haberá obradoiros de radio, televisión e teatro, cos que os participantes descubrirán e formarán parte dun programa de radio en directo; coñecerán os segredos da televisión; retocarán fotos e vídeos que tamén poderán compartir nas redes sociais. Por exemplo, os vídeos iranse subindo ó canal que a Fundación TIC ten no “Youtube”.
Espectáculos, teatro e proxeccións
Entre as moitas novidades deste ano, destaca a música en directo que ofrecerá o grupo lucense de estilo indie/rock “Winter in Berlín” e o Dj Alejandro Losada dende a terraza da EIS. O obxectivo é reproducir una mostra do FIBES, o I Festival Itinerante de Balcóns e Espazos Sonoros, unha iniciativa pioneira en Galicia, organizada o pasado 10 de maio polos alumnos de primeiro da Escola na cidade con grande éxito. Os estudantes tamén representarán a 1º escena da obra teatral do sevillano Alejandro Butrón “Apoloxía do cuarto de baño”. Na sala audiovisual da Escola, proxectaranse de forma ininterrompida os traballos realizados ó longo do ano nas aulas, así como as prácticas en escenarios reais, que foron fundamentais para acadar una formación de calidade que atenda á demanda actual que esixe no mercado laboral.
Entrega de diplomas
Como colofón ó evento, o Presidente da Fundación TIC e da Deputación de Lugo, José Ramón Gómez Besteiro, fará entrega dos diplomas ós novos titulados en Imaxe e Son da 9ª promoción que cursaron estudos no período académico (2011-13). Ademais, informarase da oferta formativa da EIS, o único centro da provincia que imparte ensinanzas superiores no eido audiovisual, cara ó proceso de matrícula para o vindeiro curso que se abrirá nas vindeiras semanas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
