O Concello de Xove acaba de incorporar catro novas marquesiñas á Avenida Deputación, dúas na entrada vindo dende Burela, e outras dúas cara o outro extremo, no entorno do Bar A Roda unha e a outra ao lado do Bar Cociña.
Non podemos esquecer que a Avenida Deputación forma parte da estrada principal que cruza Xove e que vai dende Viveiro en dirección a Ribadeo, razón pola cal o número de viaxeiros que a usan é moi alto. Neste sentido, dende o Concello preténdese mellorar o servizo a tódolos cidadáns de Xove, aos usuarios das liñas normais de transporte que viaxan en dirección a Burela ou a Viveiro e, tamén, aos numerosos usuarios que traballan en Alcoa e collen o autobús en Xove. Todos estes viaxeiros collían ata agora o autobús ao descuberto nas beirarrúas da Avenida. A partires de agora, e máis tendo en conta o chuvioso inverno que levamos e os que poidan vir, poderán refuxiarse e esperar comodamente o autobús en calquera das catro marquesiñas recen instaladas.
As marquesiñas miden uns 3´05 metros de boca por 1´1 metros de fondo e 2´55 metros de alto. Están feitas basicamente de aluminio en negro e vidros de seguridade; teñen unha estética moi coidada, integrándose moi ben na paisaxe urbana de Xove. Trátase dun deseño propio da empresa que os instalou, concretamente Aluminios Cruz da Venta do veciño Concello de Cervo.
O presuposto total destas marquesiñas, xa instaladas, foi de 14.495´8 euros e totalmente financiados polo Concello.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
