Burela, 20 de xuño de 2013. Do 21 ao 27 de xuño estará aberto o prazo de inscrición da ocioteca, que un verán máis, pon en marcha o Concello de Burela.
A edil de Medio Ambiente, Patricia López Eijo, explica que “poderán participar nas actividades todos os nenos e nenas con idades comprendidas entre 3 e os 12 anos, que estean empadroados en Burela. A fichas de inscrición entregaranse no Concello a partires de mañá e ata o 27 de xuño. Todo aquel que non teña formalizada e entregada a dicha nas datas indicadas non poderá asistir ás actividades”.
Será o 28 de xuño cando se faga pública a lista de admitidos no Concello. E xa o 1 de xullo comezarán as actividades, que se prolongarán ata o 30 de agosto. Estas desenvolveranse no edificio nº 1 do CEIP Vista Alegre de luns a venres e en horario de 9 a 13:30 horas.
Patricia López subliña que “as actividades son gratuítas e o que perseguimos con elas é axudarlles aos pais e ás nais a conciliar a vida laboral e familiar. Isto tamén é un reflexo da forte aposta que desde o equipo de goberno facemos pola educación”.
A ocioteca verán activo 2013 disporá dun número máximo de prazas para asegurar o correcto funcionamento dos grupos, así como tamén un número mínimo para levalas adiante. Cada grupo contará con 25 prazas. Haberá un grupo de 3 a 7 anos e outro de 8 a 12 anos.
A concelleira de Medio Ambiente indica que “a adxudicación das prazas farase por rigorosa orde de inscrición, sempre que se cumpran os requisitos esixidos: idade e empadroamento en Burela. E establécense as seguintes prioridades: fillos/as de proxenitores activos laboralmente (será preciso xustificalo documentalmente) e fillos/as de mulleres vítimas de violencia de xénero”.
López Eijo engadiu que “os/as admitidos/as recibirán durante os primeiros días un listado co material que precisan para poder asistir ás actividades. En caso de quedaren vacantes ao inicio das actividades, completaranse os grupos seguindo a lista de inscrición”.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
