Lugo, 20 de xuño de 2013.- A Xunta de Galicia, a través da Consellería de Traballo e Benestar, subvencionará a contratación de 84 socorristas nas praias da costa lucense durante a campaña de verán do presente ano. Así o anunciou hoxe a delegada territorial da Xunta en Foz, Raquel Arias, que indicou que o departamento autonómico xa comunicou á maioría dos concellos as subvencións concedidas para que poidan tramitar a contratación dos especialistas.
Arias, acompañada polo alcalde do municipio focense, Javier Jorge Castiñeiras, destacou que estas axudas propiciarán a contratación de 84 persoas desempregadas, unha cifra que supón un incremento de persoal con relación aos últimos anos, e que, en concreto, para o caso do ano 2012 representa sete especialistas máis que velarán pola seguridade nos areais da costa mariñá.
Estes profesionais están encargados da vixilancia, salvamento e socorrismo en praias e municipios da Mariña lucense que, debido ao seu marcado carácter turístico, son os que concentran a gran maioría deste tipo de contratos sufragados mediante os plans de cooperación na provincia de Lugo.
A Consellería de Traballo e Benestar adoptou esta resolución esta mesma semana, en datas similares a exercicios anteriores, e iniciou a comunicación da decisión aos concellos beneficiarios para que poidan realizar a oferta de emprego de inmediato. O investimento en axudas para a contratación de persoal de socorrismo nas praias da comarca da Mariña achégase aos 250.000 euros (245.282,64 euros).
Os concellos da costa lucense que reciben as axudas para este tipo de contratos –que se enmarcan dentro das subvencións dos programas de cooperación- son os de Barreiros, Burela, Cervo, Foz, Ribadeo, O Vicedo, Viveiro e Xove. Todos eles manteñen ou superan o número de contratos subvencionados na campaña do pasado ano. De feito, o número de profesionais que atenderán os areais lucenses increméntase nos concellos de Ribadeo, Foz e Xove, como destacou Raquel Arias.
Dado o carácter estacionario debida á propia natureza do traballo, os contratos terán unha duración maioritariamente de dous meses.
Socorrismo en piscinas
Así mesmo, o número de socorristas totais que traballarán durante a tempada de verán na comarca da Mariña vese incrementado tamén se se consideran os contratos subvencionados para profesionais de vixilancia en piscinas.
Así, nas próximas semanas os concellos de Trabada, Lourenzá, Ourol e A Pontenova poderán contratar tamén os respectivos socorristas que atenderán as piscinas municipais durante a tempada estival. Deste xeito, o número total de socorristas que traballarán na comarca elévase ata 91.
Polo que respecta ao conxunto da provincia, o número de profesionais encargados da vixilancia e salvamento que subvencionará a Consellería de Traballo e Benestar aumenta con relación ao ano anterior, situándose en 112, para cuxa contratación se destina, en total, unha partida de case 320.000 euros (319.408,78 euros).
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
