Nun contexto de total incerteza e de información contraditoria e mesmo interesada, a Unión de Consumidores de Galicia considera que os afectados por preferentes e subordinadas precisan coñecer con total transparencia e fiabilidade as opcións que se lles presentan por mor do proceso de quita e canxe deses produtos complexos que no seu día lles foron colocados.
A principal preocupación da Unión de Consumidores de Galicia, é que os afectados queden atrapados novamente coas accións dunha entidade financeira que non cotiza en bolsa e que non poderán converter en diñeiro previsiblemente en moito tempo, o que as convertería no que coloquialmente se chama papel mollado.
Por este motivo é imprescindible que toda a sociedade galega, administracións, institucións, organizacións, partidos, sindicatos, colexios profesionais e como non, os medios de comunicación informen correctamente aos afectados procurando a salvagarda dos seus intereses económicos, xa abondo asoballados. E; a xuízo da Unión de Consumidores de Galicia, a correcta información neste momento é que os afectados deben vender as súas accións ao Fondo de Garantía de Depósitos antes do día 12 de xullo e presentar ao tempo da venda un escrito de reserva de accións no que lle comuniquen á entidade que a pesares da quita, canxe e mecanismo de liquidez, consideran que o contrato polo que se lles venderon no seu día as preferentes e subordinadas non se axustou á legalidade e que polo tanto sería nulo.
Coa liquidez, os afectados terán na súa conta bancaria o día 19 de xullo porcentaxes de ata o 77,58% do total do diñeiro que tiñan atrapado, de sorte que posteriormente a reclamación que plantexen se refira á porcentaxe restante. Con esta medida reduciríanse ademais os custes dun eventual proceso xudicial, xa que minorada a contía do litixio diminuirían as taxas, os honorarios do avogado, os aranceis do procurador e as costas, é dicir, o risco do pleito. Pero o máis importante é que en cuestión de días recuperarán unha parte moi importante do seu diñeiro sen ter que renunciar a loitar polo resto, se así o estiman oportuno.
Posteriormente o afectado poderá e deberá asesorarse polo miúdo, cun profesional ou acudindo a puntos de información profesionalizados, da viabilidade da súa reclamación, sexa en vía xudicial, sexa en vía arbitral para o caso de que for chamado ou de que a entidade recúe na súa postura e permita acudir a esta vía a máis galegos.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
