No mandato do anterior goberno municipal de Burela, aló polo ano 2011. Conseguiuse, gracias ás xestións do equipo de goberno, unha obra cunha inversión de 110.511 euros do Fondo Estatal para o Emprego e a Sustentabilidade Local (FEESL), que consistía na colocación tanto na cuberta do pavillón de deportes Vista Alegre como nas instalacións do campo de fútbol da Marosa de placas de enerxía solar fotovoltaica que deberían de servir tanto para dar alumeado, no caso do pavillón Vista Alegre, como para poder quentar a auga destas instalacións, o que lle suporía un aforro importante ós veciños e veciñas de Burela.
A idea era que ademais de facer o subministro destas instalacións poder vender electricidade á rede eléctrica, que está obrigada a comprala, e deste xeito conseguir uns ingresos extra para as arcas municipais e conseguintemente para que disto se beneficiaran todos os veciños e veciñas de Burela. Estas instalacións contan con 10.000 Vatios de potencia e a enerxía que xera mídese no contador de saída da mesma. A obra da que estamos a falar rematouse en maio de 2011 co equipo de goberno do PSdG-PSOE, e despois do cambio de goberno municipal tocáballe ó goberno entrante rematar os trámites de enganche desta enerxía sobrante á rede. Pois ben, no Pleno Municipal de maio o Grupo Municipal do PSdG-PSOE de Burela interesouse pola situación na que se atopaba esta xestión, despois dos rumores de que este equipo de “desgoberno” do Partido Popular tiña o asunto abandonado, e ante a pregunta feita dende o noso Grupo Municipal de si despois de dous anos de goberno se tiña feito a xestión de enganchar esta enerxía á rede, e cal fora o aforro conseguido con esta medida?. A contestación do alcalde de Burela, o Sr. Barcia, déixanos realmente preocupados e sorprendidos pola nula xestión que é capaz de realizar este señor e o seu equipo, a resposta foi: “que contactara con Begasa pero que ultimamente son un desastre e que se estaba esperando por eles” (despois de dous anos). Esta resposta xa di por si soa o interese que este equipo de “desgoberno” ten polos veciños e veciñas de Burela, unha vez máis temos que dicir que o único interese que move a esta tropa, é o interese persoal e para nada se preocupan dos problemas dos veciños e veciñas de Burela. Non nos parece de recibo que o alcalde máis viaxeiro e despilfarrador da historia de Burela deixe ós veciños tirados en asuntos que lles pode mellorar a calidade de vida e aportar uns ingresos ó Concello nuns tempos difíciles no eido económico. Este tipo de situacións son as que demostran a falla de xestión e de traballo deste equipo de “desgoberno”. Unha vez máis, e os feitos nos remitimos, temos que dicir que este é o peor goberno da historia de Burela.
Grupo Municipal PSdG-PSOE Burela
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
