Por José Manuel Balseiro Orol
Nas presentes datas coinciden dúas citas de gran relevancia para o sector pesqueiro galego: a celebración da feira EXPOMAR, na Mariña lucense e a campaña electoral dos comicios europeos.
Ambas citas son un espazo ideal para falar do futuro da nosa pesca, dos retos e das dificultades pola que están a pasar os profesionais do mundo do mar, moi sensibles ante esta situación de crise económica que estamos a padecer de xeito tan inxusto e como resultado, entre outras moitas razóns, da falta de reacción e políticas activas dos que tiñan a responsabilidade de xestionar os nosos intereses.
O Partido Popular de Galicia parte da premisa de que Europa non debe ser entendida como unha amenza, senón como unha oportunidade. Sen renunciar ás nosas raíces, ás nosas orixes ou ao noso sentimento como pobo diferenciado, estamos diante da oportunidade de valernos dos aspectos positivos dun mundo globalizado e servirnos deles para mellorar a realidade de Galicia e dos galegos.
A UE ten sobrado marxe de manobra para implementar políticas que redunden no benestar de Galicia: aproveitémolo. Nesa liña, os populares centraremos os nosos esforzos en que a nova Política Pesqueira Común (PPC) poida centrarse en garantir aos consumidores comunitarios un subministro de produtos pesqueiros de calidade. Isto é posible se traballamos cun triplo obxectivo: Pola explotación sostible dos recursos, por un sector pesqueiro saneado e eficiente, por unha regulación do mercado que proporcione aos consumidores información clara e veraz sobre a orixe e a calidade dos produtos
No ámbito de devandita reforma o Partido Popular traballará no Parlamento europeo para cambiar, progresivamente o actual e esgotado sistema de TACs e cotas, que tanto ten penalizado á flota galega, por sistemas baseados na xestión mediante o esforzo pesqueiro, máis xusto e sinxelo de controlar –o co que se aforrarán recursos financeiros que poderán ser empregados para outras prioridades da nosa pesca-
Coñecedores das rigorosas normas sanitarias internas ás que están sometidos na actualidade os produtos da pesca e a acuicultura -boa conta disto poden dar os produtores galegos- os eurodeputados do Partido Popular traballarán para lograr unha lexislación que garanta que todos os produtos importados cumpran escrupulosamente as mesmas condicións hixiénico-sanitarias que se esixen aos produtos galegos.
Finalmente, para o Partido Popular é unha prioridade a preservación do maior número de empregos na pesca polo que traballará para lograr a homologación e o recoñecemento das titulacións a escala europea, que elimine problemas administrativos nas contratacións intracomunitarias e fomente a incorporación de mozos ás tarefas pesqueiras nos distintos países da Unión.
Traballemos, en definitiva, pola Europa das oportunidades, tamén para a nosa pesca.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
