Burela, 22 de xuño de 2013. O alcalde e presidente da Fundación Expomar, José Mª González Barcia, asistirá o vindeiro martes en Santiago a unha xuntanza na Consellería do Medio Rural e Mar para analizar a posible presenza do sector pesqueiro galego nalgún evento similar a Expomar que se poida organizar en Cabo Verde.
O rexedor explicou que “se trata dunha reunión que convocou a Consellería do Medio Rural e do Mar a raíz precisamente da xuntanza que tivemos en Burela coa delegación caboverdiana que estivo en Expomar, e na que se falou da posible organización dun evento similar no país africano. A intención da Consellería é falar cos axentes e institucións implicadas con intención de estar presentes en Cabo Verde e ver a fórmula para articular entre todos a presenza destas organizacións no país africano”.
González Barcia relatou que “por parte de Burela asistiremos a xerente da Fundación Expomar, Catalina Sánchez Luengo, e eu como presidente da Fundación Expomar e como alcalde de Burela. En principio nosoutros vamos coa intención de aportar todo o que sexa preciso á potenciación da presenza do mundo da pesca galega, e concretamente de Burela, en Cabo Verde e evidentemente a nosa idea é participar en todo o que a Xunta de Galicia poda propoñernos”.
Para o alcalde burelés “a situación económica non é boa, pero supoño que a Xunta saberá articular os medios precisos para que esta presenza sexa factible. Non é Burela a única parte interesada en estar en Cabo Verde. Os armadores da zona sur, como os A Guarda, Pontevedra, etcétera, teñen tamén intereses alá e é probable que algunha empresa máis se poida sumar”. E lembrou que “nós mantivéramos un contacto co cónsul de Cabo Verde na Coruñapara estudar a posibilidade de que empresas galegas que teñen ámbito de actuación en Burela puidesen tamén estar presentes en Cabo Verde”.
José Mª González Barcia espera e confía en que da reunión do martes “saia polo menos un calendario de traballo e unha fórmula de articulación de todas as organizacións e institucións que queremos, dunha forma ou doutra, estar presentes en Cabo Verde. E a partires de aí haberá que empezar a traballar. Vamos a ver que prazos nos marca a Consellería, pero a nosa intención é que se podemos estaremos. E todos os condicionantes van estar marcados polo aspecto económico, evidentemente”.
Baloncesto
O próximo mércores, 26 de xuño, ás cinco da tarde o equipo de goberno do Concello burelés manterá unha reunión coa xunta directiva do Club Baloncesto Burela “para estudar as posibilidades de axuda de cara á próxima tempada e, se eles o estiman oportuno, a nosa intención é recibir ao equipo feminino que ascendeu este ano á Primeira Autonómica”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
