CERVO, 26 DE XUÑO. Os socialistas de Cervo non dan crédito ante as últimas declaracións feitas polos membros do PP, “toda persoa ten o dereito a manifestarse cando, cómo e polo asunto que considere. Son tan osados que intentan facer crer que manipulamos a certas persoas para que se revelasen dun xeito ou doutro. Esas serán as prácticas ás que están acostumados no Partido Popular, porque os socialistas en ningún caso actuamos así, que quede ben claro”.
Nesta mesma liña, aseguran que “entendemos que cadaquén actúa da maneira que considera, é unha opción persoal, as formas non darán máis ou menos razón. Pero non consentiremos que nos tachen de algo que non somos. Falan de que a oposición de Cervo está intentando politizar este asunto cando son eles os primeiros que intentan, desta maneira, desvirtuar o noso apoio ás demandas de tódolos veciños”.
Dende o PSOE de Cervo subliñan que con toda esta polémica “o único que pretenden é crispar ós veciños e así falar dun asunto paralelo para non ter que falar do problema real que é a perda dun médico no concello”.
Preguntas e explicacións
Precisamente, os socialistas de Cervo pregúntanlles en voz alta “qué xestións se están a facer dende o goberno do PP para manter os catro facultativos nos nosos centros de saúde. Despois do último pleno, no que votaron a favor de instar á Xunta de Galicia para defender o mesmo cadro de persoal que había antes desta situación, non volvemos a saber máis nada. A pesar de estar a sufrir, xa a día de hoxe, retrasos nas citas médicas de ata sete días”.
Engaden a seguinte cuestión, “¿por qué os concelleiros do PP non se integran na Comisión veciñal en defensa da sanidade en Cervo de maneira institucional e como partido político?, encontramos extraño que amosen o seu apoio na sesión plenaria e sen embargo sigan sen unirse a esta iniciativa veciñal”.
Por outro lado, lembran que “cando o bipartito decidiu crear unha cuarta praza de médico no noso concello, foi porque polo ano 2008, a lista de espera podía alcanzar ata os 15 días, segundo indicaba o propio PP naquel momento e aínda por riba, Cervo tivo que asumir no 2009 ó redor de 800 cartillas máis procedentes do Concello de Burela. Vendo o volumen de pacientes e estudiando a situación, o bipartito decidiu que a calidade asistencial podía ser mellorada con esta decisión. Agora o PP quere tirar por terra ese logro. Agradecemos que o goberno local traslade esta explicación a quen teña dúbidas”.
Rematan pedíndolle ó señor alcalde que transmita tamén de maneira urxente todo o exposto no pleno á Xunta, “estamos a falar da sanidade no noso municipio, este asunto non se pode medir en termos económicos, é un servizo que lle hai que prestar ós cidadáns de maneira universal, gratuita e de calidade”.
Afirman que “non hai máis voltas que darlle. O PP xoga con esa falsa austeridade da que xa estamos fartos, a situación económica non pode ser a disculpa para todo, menos cando vemos como sí se gastan os cartos en outras cousas. Estamos a falar, xunto coa educación e os servizos sociais, dun dos piares do benestar, polos que levamos loitando moitos anos”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
