Celestino Pérez Recarey
Acabo de ler neste xornal as declaracións do Presidente de Xunta de Galicia, ao remate da reunión do Consello celebrado en Pontevedra, dicindo que o Plan Xeral de Normalización da Lingua Galega non é ningunha norma senón máis de 200 medidas a prol da lingua. E ten toda a razón. O que pasa que o goberno do Sr. Fraga, que foi o impulsor deste Plan, tomou a decisión de levalo ao Parlamento para a súa aprobación, feito que ocorreu na sesión plenaria do día 21 de setembro de 2004 e co voto favorable de todos os grupos parlamentarios.
¿Pode o goberno obviar un acordo do Parlamento? Entendo que o Parlamento, cámara de representación do pobo galego, aproba por unanimidade este Plan para que o Goberno lexisle de acordo ao que se reflicte no mesmo. Poñamos un exemplo para entendelo mellor: cando se reúne o Pleno da Cámara para o debate do Estado da Autonomía apróbanse, trala votación correspondente, as resolucións presentadas polos grupos parlamentarios. Estas resolucións non son norma pero si mandatos do Parlamento para que o Goberno lexisle de acordo ao aprobado. Dito doutra maneira, o Parlamento ínstalle ao goberno para que lexisle de acordo o alí aprobado.
Polo tanto, neste caso que nos ocupa, o Parlamento ínstalle ao Goberno da Xunta de Galicia a que lexisle para garantir que o profesorado teña plena competencia para desenvolver o seu labor docente en galego, para alcanzar un uso maioritario do galego na docencia, para fomentar o uso progresivo do galego dende a etapa preescolar, para lograr que o ensino obrigatorio garanta unha competencia plena no idioma galego, etc.
Eu pediríalle humildemente ao Sr. Feijoo que consulte ao Secretario Xeral de Política Lingüística -que foi o secretario da comisión de Educación, Familia e Mocidade no citado Plan Xeral- e que lexisle para dar cumprimento a un mandato do Parlamento de Galicia de hai case que cinco anos.
Celestino Pérez Recarey. Presidente do Forum Europeo de Administradores da Educación de Galicia.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
