Cervo, 6 de xullo de 2013- A delegación de Deportes, que dirixe Luis Guillén, convoca o I Torneo de Fútbol 7 Río Covo que se desenvolverá os días 12, 13 e 14 de xullo no campo desta disciplina habilitado recentemente na instalación deportiva. Un campionato no que hai previstos premios en metálico para o primeiro, segundo e terceiro equipo clasificado, de forma que en total se repartirán ata 1.320 euros ademais dos trofeos Pichichi e Zamora.
Un torneo no que se agarda poder contar con 16 equipos, o que permitiría cumprir co calendario de enfrontamentos deseñado polo departamento de Deportes. Para poder participar é necesario que os equipos se inscriban, tendo como prazo ata o 11 de xullo ás 13:00 horas. Para anotarse é necesario pagar a cota de inscrición, dar o nome do equipo e un teléfono de contacto, trámites que se deberán realizar no Concello de Cervo. Para máis información poden chamar ao 680 50 66 35 ou ao 653 52 00 37.
A orde dos partidos decidirase a través dun sorteo que terá lugar o día 11 de xullo ás 20:00 horas no Club Río Covo. Un campionato que se pon en marcha co obxectivo de “propiciar un evento deportivo de encontro para os afeccionados ao fútbol que desexen participar nun torneo no que practicar esta disciplina e competir con outros equipos” tal e como explica o edil de Deportes, Luis Guillén, que asistiu á presentación xunto ao alcalde, Alfonso Villares.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
