Barreiros, 7 de xullo de 2013. O grupo municipal do BNG en Barreiros non acudiu ao acto de izado de bandeiras azuis que tivo lugar na mañá de hoxe nas praias barreirenses. Deste xeito os nacionalistas pretenderon amosar a súa disconformidade coa xestión que se está a facer dos areais, en particular, e dos recursos turísticos e o territorio, en xeral, neste concello.
Para o BNG “non é de recibo que se venda como un grande éxito a consecución dos galardóns concedidos pola ADEAC para as praias cando desde o concello non se está a facer ningún esforzo por xestionar este recurso dun xeito óptimo e cando o único que se fai é crear unha ordenanza que non aposta pola diferenciación turística, senón por importar un modelo de turismo masificado doutros puntos do Estado que nada aporta para Barreiros.”
Ademais, lembran os nacionalistas que nos dous últimos anos pediron encarecidamente con motivo deste acto “que se mudara a política de xestión do territorio (na valoración do acto das bandeiras azuis do ano 2011 solicitábamos que se dotase a Barreiros dun PXOM) e de desenvolvemento turístico e tentaron, desde o seu grupo municipal, facer propostas de medidas (como a promoción dos baños de setembro ou a inclusión de propostas de praias para mascotas e naturistas na recén presentada ordenanza de praias) que contribuíran á venda doutra imaxe de Barreiros e que o colocaran no mapa turístico galego e que foron ignoradas polo goberno municipal.” Polo tanto, entenden desde o BNG que “o goberno municipal sóbrase para levar adiante o seu plan de desenvolvemento turístico e do territorio e, desde logo, non coincide co do BNG. Polo que sería incongruente pola nosa banda participar dun acto no que non aportamos nada (porque non se molestan en escoitar as nosas propostas) e no que lexitimaríamos un modelo de desenvolvemento que non cremos beneficioso para o noso concello”, afirman os nacionalistas.
Pero ademais, insisten desde o BNG en que “parece que o modelo Barreiros tamén lle serve a ADEAC (o organismo privado que concede as bandeiras azuis), xa que o seu vicepresidente apurouse en parabenizar ao goberno municipal pola aprobación inicial da ordenanza de praias e en cargar contra o BNG polas súas propostas, utilizando argumentos pouco apropiados para un organismo que pretende venderse como imparcial e entrando no debate político con cuestións non de todo precisas. Tamén é significativo, afirman os nacionalistas, que no verán pasado cando houbo claras deficiencias no que se refire á hixiene, limpeza e servizos nos areais non se manifestou ao respecto”.
Polo tanto, desde o BNG, aínda que poden considerar positiva a obtención dos galardóns (no sentido da difusión turística que poden ter), cren que “o modelo do concello de Barreiros non é o máis adecuado para un concello coma o noso, que non se están a aproveitar correctamente os recursos e que o que procede é celeridade das institucións non para unha competición cos concellos veciños para ver quen consegue máis galardóns, senón para dotarnos dos instrumentos necesarios para unha xestión sostible do noso territorio e dos recursos turísticos, como sería un PXOM adaptado ás necesidades do concello.”
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
