O PP de Viveiro advertiu en multitude de ocasións das deficiencias e a falta de control que existe nas actuacións municipais.
A obra que se está realizando no comezo da Avenida de Cervantes é un expoñente máis da falta de control e unha mostra do despropósito do goberno municipal, constituíndo este proceder en algo cotián.
A realización desta obra neste período xa é de por si un desatino, no momento de maior tráfico do ano é precisamente cando se lles ocorre iniciar estes traballos, despois de varios meses coa obra parada. Pero non so é a incomodidade do tráfico o que molesta aos cidadáns senón o prexuízo económico que dita decisión acarrea aos comercios da zona, ignorando unha vez máis a importancia económica que estas actividades teñen para o propio concello.
Todo o mundo que pase pola zona pode observar como os peóns que queiran acceder desde a Avenida Cervantes á Travesía da Mariña ou viceversa, inexorablemente teñen que invadir a estrada co conseguinte risco para a súa integridade, de tal forma e maneira que fai poucos días un viandante para librarse de ser atropelado tivo que cinguirse tanto á valla de protección, por certo con puntiagudas arestas, que viu como a súa camisa recén estreada sufriu tantas roturas que fixeron imposible a súa reparación.
O PP pregúntase se o responsable de Seguridade e Saúde desa obra, en caso de que exista, non necesita un bo curso de reciclaxe ao igual que o concelleiro de obras que tanto se vanagloria da súa deficiente xestión.
O PP de Viveiro advirte do grave risco que esa obra ten para os viandantes e esixe a súa inmediata solución antes de que chegue a producirse algún accidente que despois haxa que lamentar.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
