A Deputación Provincial leva acometido obras de reforma do firme nas estradas de 51 concellos. Trátase dunhas actuacións contempladas no Plan de Rebacheo da Deputación que comezou en xuño e está executado nun 73,42% se atendemos ós quilómetros totais e en máis dun 75% se contamos por concellos. Ata o de agora se acometeron melloras en concellos de montaña, da costa, do interior, da Terra Chá e da zona Sur. Xa se revisou o firme dos concellos mariñáns de Burela, Cervo, Xove, Viveiro, Ourol, O Vicedo, Ribadeo, Foz, Trabada, O Valadouro, Alfoz, Lourenzá, Barreiros, A Pontenova, Riotorto e Mondoñedo. Tamén xa remataron as obras de mellora en Vilalba, Muras, Xermade, Pastoriza, Abadín, Cospeito, Castroverde, Corgo, Outeiro de Rei, Castro de Rei, Pol, Láncara, Monterroso, Antas, Guitiriz, Begonte, Navia de Suarna, A Fonsagrada, Becerreá, Negueira de Muñiz, Ribeira de Piquín, As Nogais, Pedrafita, Caurel, Samos, Incio, Ribas de Sil, Quiroga, Triacastela, Monforte, Pantón, Bóveda, Pobra de Brollón, Sober e Saviñao. Todos estes municipios suman un total de 3.084 quilómetros de estradas provinciais que foron supervisados e postos a punto pola Deputación, no que vai de verán.
Nestes momentos estanse a realizar melloras noutros 6 concellos. En concreto son os municipios de Lugo, Páramo, Palas de Rei, Friol, Cervantes e Chantada, entre todos suman 590,771 quilómetros. Nos próximos días, realizaranse tamén as obras do plan de rebacheo en Baleira, Baralla, Rábade, meira, Portomarín, Sarria, Paradela, Guntín, Taboada e Carballedo. Tan só restan 10 concellos que suman 525 quilómetros, un 12,5% da extensión total.
As tarefas de bacheo consiste no acondicionamento con rego asfáltico de todos e cada un dos puntos que o necesitan. Os traballos, que comezaron a principios de xuño, atenden ás necesidades recompiladas previamente polos técnicos provinciais. Os traballos acométense con cargo ó Plan de Conservación de Estradas 2013, a través do que a Deputación está a actuar no 100 % das vías da provincia.
Aposta da Deputación polas infraestruturas e o emprego
O Plan de Rebacheo da Deputación comprende labores de supervisión e mellora do firme da rede viaria de titularidade provincial. A de Lugo é a máis extensa de España con máis de 4.200 quilómetros. Así que estas actuacións supoñen un importante esforzo da Deputación por manter en bo estado a rede viaria provincial e contan cun orzamento de 5,5 millóns de euros.
Este plan da Deputación ten unha dobre finalidade, por unha banda a súa finalidade é mellorar a situación das vías urbanas e interurbanas da provincia para, prever riscos, optimizar os servizos e evitar o éxodo rural. Pero por outra banda a institución provincial promove o emprego e impulsa a economía ó contratar para estas actuacións a 23 autónomos e pequenas empresas da provincia, precisamente, para potenciar os seus negocios, contribuíndo ó impulso da economía e ó mantemento de postos de traballo en Lugo ante a crise.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
