O PP de Burela pide que as axudas de paralización da flota sexa tamén para os mariñeiros

NOTA DE PRENSA
O GMPP de Burela solicita que as axudas pola paralización da flota tamén se dean ás tripulacións.

González Barcia afirma que o Concello debe pronunciarse en tal sentido e apoiar ó sector.

Os populares presentan unha moción solicitando que se amplíen as axudas por emerxencia social.

O GMPP de Burela vén de presentar unha moción na que se solicita do goberno central que faiga chegar as axudas económicas pola paralización da flota de Gran Sol, palangre de superfície e arrastre e artes fixas do caladoiro nacional, ademais de ós armadores, tamén ás tripulacións. Os barcos de Gran Sol deberán parar noventa días, coma os que faenan no caladoiro nacional, e sesenta días os de palangre de superficie.

O portavoz popular, José María González Barcia, denuncia que as ordes de axudas se están publicando, en algúns casos, con dez meses de retraso, e en ningún caso se publicaron as axudas a tripulantes, a pesares de terse anunciado. As axudas a tripulacións deberían ser aboadas ó remate da parada e por meses transcurridos.

Ademais, González Barcia pide que as axudas a armadores se abonen nun tempo máximo de tres meses desde o remate da parada.

Para os populares, a culpa e a responsabilidade de que non se trasladen as axudas ás tripulacións e os retrasos na publicación das ordes de axudas só só son imputables ó goberno Zapatero, especialmente á súa ministra de Medio Mariño, Elena Espinosa, e ó Secretario de Estado do Mar, Martín Fragueiro, dous galegos que non están pola labor de colaborar co sector pesqueiro nun momento de tanta crise e incertidume, e tan necesitado de axuda por parte de todas as institucións.

Os populares presentan esta moción porque o sector pesqueiro, que move e dinamiza boa parte da socioeconomía burelesa, está a pasar un momento crítico, e polo tanto o concello debe poñerse do seu lado. Outro posicionamento non sería entendido polo sector.

Por outra banda, o GMPP de Burela tamén presentou unha moción no concello na que solicita que por parte do Goberno Central se amplíen no tempo as axudas por emerxencia social ou os ingresos mínimos de inserción, porque esto permitirá que aquelas familias que se atopen en situación precaria debido á crise poderán afrontar com maiores garantías a saída da mesma.

Esta solución pasaría por unha estreita colaboracion coas comunidades autónomas. Igual colaboración debería existir cos axentes sociais, económicos e financieiros para impulsar un plano de choque para atender ás famílias sobreendebedadas existentes en España.

Os populares tamén piden unha millora das condicións de acceso e de comercialización da liña que o ICO dispón para a moratoria hipotecaria, de xeito que chegue realmente a todas as famílias que o necesiten, cousa que agora non está a acontecer.

O GMPP considera que en Burela hai casos de familias que o están a pasar realmente mal na situacion actual de crise económica, e que polo tanto a aplicacion destas liñas de axuda lles afectarían positivamente. Eso é o motivo polo que trasladan esta petición ó pleno do Concello, xa que se entende que a Corporación non pode estar de costas ó que é de sentido común e que pode solucionar problemas xustamente ás familias e persoas máis necesitadas.