SANTIAGO. A Fegamp acordou este mércores, tras a reunión da súa Xunta de Voceiros, expresar o seu “rexeitamento frontal” á reforma local reflectida no proxecto de lei que o Goberno remitiu ás Cortes. A postura da Federación, manifestada polo seu presidente e alcalde de Ferrol, José Manuel Rey Varela, está sustentada na vulneración de “liñas vermellas” que atacan directamente os intereses dos concellos galegos e os servizos que prestan aos veciños.
Segundo detallou nunha comparecencia ante os medios de comunicación, son catro os elementos que vertebran a postura crítica da Fegamp: o traspaso dos servizos sociais ás autonomías, o reforzo das deputacións provinciais en detrimento dos concellos, o mantemento das competencias educativas nos municipios e o aumento da intervención no goberno local por parte doutras administracións.
Rey Varela lembrou que a Fegamp se opuxo desde o primeiro día a que os concellos perdan os servizos sociais, un rexeitamento que se mantén á vista do texto que aprobou o Consello de Ministros. No mesmo, esta competencia queda relegada a unha referencia residual e unicamente esixible aos concellos de máis de 20.000 habitantes. “Dixemos que non ao comezo deste proceso e volvemos dicir non agora”, afirmou.
No referente ás deputacións, a redacción do proxecto é confusa a xuízo dos servizos xurídicos da Fegamp, e abre a porta a que estes órganos absorban aqueles servizos municipais cuxo custo sexa superior ao dun suposto custo provincial. “Pedimos unha clarificación competencial, non un reforzamento”, matizou.
O presidente da Fegamp tamén criticou que se manteñan nos concellos as competencias educativas, que se limitan ao pago dos custos de mantemento e limpeza de distintos centros educativos, a pesar de que nos primeiros oito borradores do anteproxecto trasladábanse ás comunidades autónomas. “É unha competencia impropia, e non pode permanecer máis tempo nos concellos”, subliñou.
Outra discrepancia radica no aumento da intervención e o control económico dos concellos por parte doutras administracións, así como as escalas retributivas que expón o Estado para os electos municipais, “que non coinciden coas que propuxo a Fegamp e que consideramos razoables e dignas”.
Emendas ante as Cortes
Ante esta situación, a Fegamp acordou presentar un paquete de emendas ao texto legal tanto no Congreso dos Deputados como no Senado, a través dos distintos grupos parlamentarios. Para a elaboración das emendas, a Federación abrirá un prazo de propostas a todos os concellos de Galicia ata o próximo día 17 de setembro.
Un día máis tarde, reunirase a Comisión Executiva, que redactará o documento final de emendas e o aprobará. “Nas alegacións de marzo logramos un acordo por unanimidade, e creo desexable que volva ser así”, sinalou Rey Varela, quen recoñeceu a estreiteza dos prazos, dado que “o día 24 remata o prazo de presentación de emendas no Congreso”.
Estas emendas serán trasladadas aos distintos grupos parlamentarios no Congreso dos Deputados e o Senado. “Os prazos son moi estreitos, xa que o día 24 é a data límite para a presentación de emendas”, recoñeceu Rey Varela, que mostrou a súa confianza en que “unha vez máis, os concellos participen na redacción destas emendas e volvamos falar cunha voz única neste debate”.
A Presidencia proporá á Comisión Executiva a convocatoria dunha Asemblea Extraordinaria da Fegamp, no que os 314 alcaldes de Galicia poidan expresar o seu parecer “sobre unha reforma que é transcendental para o futuro dos concellos, e o que é máis importante, dos servizos que prestamos aos nosos cidadáns”, avanzou.
Por último, a Fegamp tamén solicitará á Xunta a reunión urxente do grupo de traballo de financiamento do Pacto Local, para abordar a necesidade de incorporar ao Fondo de Cooperación partidas e subvencións non finalistas antes de que se elabore a Lei de Orzamentos de Galicia para 2014.
Alcaldes de Lugo
A Xunta de Voceiros tamén mantivo na mañá de hoxe un encontro cos alcaldes de Monforte de Lemos, A Pastoriza e Pedrafita do Cebreiro, Severino Díaz, Primitivo Igrexas e José Luis Raposo, respectivamente.
Durante a mesma, o presidente e os vicepresidentes da Fegamp trasladáronlles os acordos da Xunta de Voceiros, á vez que recibiron unha serie de propostas elaboradas por distintos alcaldes de Galicia nas últimas semanas.
Rey Varela insistiu en que a Fegamp debe ser “o foro de diálogo” para abordar os problemas que ameazan ao municipalismo, como o proxecto de lei de reforma local, e defendeu o labor desenvolvido pola federación en todo este debate.
Así, lembrou como foi o primeiro ente municipalista en presentar alegacións críticas ao anteproxecto de reforma, “desde a responsabilidade de país, de vertebrar o territorio e pór en valor o labor de concellos e alcaldes”.
As propostas deste grupo de alcaldes coinciden maioritariamente cos acordos adoptados previamente pola Xunta de Voceiros. A directiva da Fegamp comprometeuse a comunicar o desenvolvemento dos mesmos conforme se vaian producindo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
