RIBADEO (FNC) .- A Rede de Dinamización da Sociedade da Información continuou en maio co seu traballo decidido a prol da inmersión da sociedade galega nas novas tecnoloxías en Ribadeo. No mes de maio impartiu un total de 7 obradoiros tecnolóxicos que tiveron unha duración de 29 horas e a través dos que se formou a 38 persoas. Asemade, 13 persoas inscribíronse como usuarios/as da Rede para poder aproveitar -sempre de xeito gratuíto- as instalacións e todas as actividades que esta oferta nas horas de aula aberta, que foi utilizada nun total de 548 ocasións.
En canto aos números xerais da Rede, desde que botou a andar no Concello de Ribadeo en febreiro de 2007, foron xa 804 os usuarios e usuarias que fixeron o carné da RDSI. Neste tempo leváronse a cabo 78 obradoiros, nos que se formou a 468 participantes. Tamén é importante o dato de utilización da aula aberta xa que foron un total de 7.760 usuarios/as os/as que fixeron uso das instalacións do Centro de Dinamización de Ribadeo dende o seu primeiro día de apertura.
Os obradoiros máis impartidos foron Iniciación á Informática (en 24 ocasións) e Iniciación a Internet (21 veces). Creación dunha conta de correo electrónico e Solicitude de cita médica en Internet foron os seguintes na lista. Tamén contaron con moi acollida entre a cidadanía os Xogos educativos en Internet, Saúde en Internet ou Mecanografía, que poñen de manifesto a grande diversidade formativa que oferta a Rede.
Para inscribirse ou para solicitar máis información sobre as actividades que se realizan en Ribadeo, os interesados poden dirixirse ao Centro de Dinamización de Ribadeo, sito na rúa Antonio Otero, 15, 2º andar, chamar ao teléfono 982.120.732 ou mandar un correo electrónico á seguinte dirección: mariacarmen.ribadeo@sociedadedainformacion.eu
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).