A MARIÑA .-O presidente da Deputación, José Ramón Gómez Besteiro, visitou as obras que o organismo provincial está a realizar no parque de bombeiros de Barreiros e na área deportiva de Viveiro. Con respecto ao parque de Barreiros Gómez Besteiro indicou que “para nós é prioritario que este parque entre en funcionamento canto antes, pero tivemos que agardar a que o Concello de Barreiros nos concedese a licenza para poder entrar a traballar no inmoble e deixalo en condicións axeitadas”.
Nota de Prensa
Gómez Besteiro visita o arranque das obras do Parque de Barreiros e da área deportiva de Viveiro
– O Presidente da Deputación supervisa actuacións do organismo provincial por máis 1,2 millóns de euros na Mariña
– Tan só unha semana despois do compromiso asumido polo máximo responsable provincial en Viveiro, comezaron as obras de rexeneración medioambiental en Lavandeiras
O Presidente da Deputación, José Ramón Gómez Besteiro, visitou este luns as obras que o organismo provincial está a realizar no parque de bombeiros de Barreiros, nas que se invisten 160.000 euros. Gómez Besteiro dixo que “queremos prestar ós veciños un servizo de calidade e por iso é necesario realizar estas obras, xa que cando se construíu este edificio, hai máis de catro anos, non se tiveron en conta cuestións básicas como o acceso dos vehículos ou o abastecemento de auga”. O Presidente subliñou que “para nós é prioritario que este parque entre en funcionamento canto antes, pero tivemos que agardar a que o Concello de Barreiros nos concedese a licenza para poder entrar a traballar no inmoble e deixalo en condicións axeitadas”.
Na súa visita, na que estivo acompañado pola Vicepresidenta Segunda, Lara Méndez, e o Alcade de Barreiros, Alfonso Fuente Parga, o máximo responsable provincial destacou a “velocidade de cruceiro que lle imprimimos a todo o proceso para dotar á nosa provincia dun servizo imprescindible. En tan só dous anos pasamos de non ter ningún parque á construción de cinco”.
Polo que se refire ó acondicionamento do parque de Barreiros, a Deputación destina 30.000 euros ós traballos de adecuación do edificio, que inclúen o remozado das paredes do inmoble, o subministro eléctrico e a posta a punto das instalacións. Ademais, xa comezaron os traballos do peche da parcela e a continuación farase o vial que comunicará o parque coa estrada, e construirase o depósito da auga Neste caso, o Consorcio Provincial de Bombeiros, que financian ó 50% a Deputación e a Xunta de Galicia, inviste 131.000 euros.
José Ramón Gómez Besteiro anunciou que en quince días se celebrará o Pleno do Consorcio de Bombeiros. “Agardamos que nesa data a Xunta da Galicia teña feitos os deberes e que xa designase ós seus representantes, porque estes temas que non poden agardar”.
Pola súa banda, o Alcalde barreirense destacou que “estas obras son moi positivas e moi necesarias para a Mariña. O feito de que esté hoxe aquí o Presidente avalándoas é unha garantía para todos”.
Obras en Lavandeiras
Gómez Besteiro tamén realizou este luns unha visita ó Concello de Viveiro -a segunda en 10 días- para supervisar as obras de recuperación medioambiental que está a levar a cabo a Deputación en Lavandeiras e que comezaron tan só unha semana despois do compromiso que asumiu o Presidente ante o Alcalde viveirense, Melchor Roel, o 28 de maio.
Esta actuación responde ó cumprimento da segunda parte do acordo adoptado polo Pleno de Viveiro, xa que a primeira parte consistía en recabar o apoio da Deputación para dotar de céspede artificial ó campo do Cembedo. A nova dotación deportiva estará situada ó carón da outra gran infraestrutura que co-financia a Deputación en Viveiro: o parque de bombeiros.
Este proxecto, no que o organismo provincial inviste más de un millón de euros, prevé o acondicionamento medioambiental desta zona, que se atopa moi deteriorada, co fin de crear un novo campo de fútbol e pistas de atletismo. “Démoslle a máxima prioridade a esta actuación porque, ademais de dotar ó Concello viveirense de importantes infrestruturas, consideramos que é necesario mellorar a imaxe deste contorno, que será unha boa tarxeta de presentación do municipio”.
Neste senso, subliñou a importancia das futuras pistas de atletismo, que serán as únicas, entre Ferrol e Xixón, que cumpran exactamente as medidas regulamentarias.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
