Un taller de Astronomía e prácticas de xogos tradicionais para os nenos do Colexio Público de Cervo Nº1 de San Cibrao, son as dúas actividades que desenvolverán os voluntarios de Alcoa San Cibrao este venres 25 de outubro dentro do seu intenso programa do Mes do Voluntariado. A Asociación de Nais e Pais do centro (ANPA) e a asociación Península de la Paz, colaboradoras en ambas iniciativas, recibirán ademais 3.000 dólares cada unha da Fundación Alcoa, como respaldo da compañía á acción solidaria dos seus empregados.
O taller de Astronomía ten o propósito de introducir aos nenos de Educación Infantil e Primaria no funcionamento do universo e animalos a explorar o ceo para facer os seus propios descubrimentos. Os voluntarios axudarán aos nenos a confeccionar distintos instrumentos, coma un reloxo de sol, prismas de luz, cohetes de aire comprimido, unha máquina de facer estrelas e gafas para ver en 3D, entre outros materiais que axudan a comprender o universo, ademais de pintar un mural cos planetas. A sesión de manualidades complementarase con vídeos e narracións sobre o funcionamento do universo e os seus descubrimentos.
Os voluntarios, xunto con membros da asociación Península de la Paz, desenvolverán ademais actividades para a recuperación e prácticas de xogos tradicionais, co fin de que os nenos coñezan e disfruten aqueles xogos que practicaron os seus avós cando eran tamén nenos, recuperándoos do esquecemento. Son xogos que non precisan gastos nin elementos sofisticados, senón únicamente a vontade de xogar e divertirse; por exemplo, o corro da pataca, o aro, o pano, a cadeira, a raiola, a margarida, a goma, a comba, o brilé, a zapatilla por detrás, as canicas, as chapas, os pes quietos ou os zancos, entre outros.
Ao final de ambos talleres, voluntarios, nenos e demáis participantes compartirán unha merenda para repoñer forzas.
A ANPA do CEIP de Cervo Nº1 respalda e fomenta actividades culturais, sociais, recreativas e deportivas para os alumnos do centro, como parte relevante da comunidade escolar. E a Asociación Península de la Paz desenvolver actividades culturais de integración social, aproveitamento de recursos naturais, coidado e protección do Medio Ambiente, así como aquelas actividades dirixidas aos nenos e/ou que poidan representar un ben social.
Con estas actividades, os voluntarios da fábrica de Alcoa en San Cibrao continúan o seu intenso programa de actividades do Mes del Voluntariado, que a compañía celebra en todo o mundo no mes de outubro.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
