O Burela Pescados Rubén refórzase coa incorporación de Daniela Montoya Quiroz, xogadora colombiana de 23 anos, que foi presentada na oficina do club acompañada polo presidente, Manuel Blanco Fanego. Daniela Montoya afronta o seu primeiro desafío lonxe da súa terra natal circunstancia que valora “como moi positiva para a min, é un reto profesional que desexaba realizar para progresar como deportista. Botarei de menos á miña familia e as miñas amizades pero estou moi contenta desta decisión”.
Tras chegar o sábado día 4 de xaneiro a Burela, Daniela incorporouse á dinámica do equipo e está en disposición de entrar na convocatoria ante o Gironella. “Tiven un recibimento agradable que me está facilitando moito a integración, as compañeiras estanme axudando moito e estou moi ilusionada con debutar coa camiseta do Burela”. Daniela ten unha gran proxección e ante as ofertas de España e Italia acabou decantándose pola opción do Burela Pescados Rubén “porque é unha referencia no fútbol sala. É un club organizado e serio. Ademais é o actual campión de Liga e Copa, estou moi feliz de elixir o Burela Pescados Rubén, equipo ao que seguín desde Colombia e do que teño moitas e boas referencias”.
Daniela Montoya compatibilizaba en Colombia o fútbol e fútbol sala “porque alá non existe unha liga organizada como en España, que conta cunha estrutura competitiva máis profesional nesta modalidade deportiva”. Natural de Medellín (Antioquia), a nova xogadora burelesa chega procedente de Club Deportivo Formas Íntimas da súa cidade natal, entidade de prestixio en Colombia tanto pola súa vertente deportiva como pola súa vocación social. No Burela Pescados Rubén, a á pivot colombiana lucirá o dorsal 16 e espera poder debutar canto antes “é a miña maior ilusión, xogar para axudar ao equipo a conseguir os seus obxectivos”.
O presidente do club, Manuel Blanco, agradeceu a Daniela elixir ao “Burela Pescados Rubén como destino para continuar a súa traxectoria deportiva. É un reforzo de garantías para o equipo e esperamos que se integre rápido para axudar ás súas compañeiras nas consecución dos obxectivos” engadindo que “é un orgullo para o club que Daniela sexa a primeira deportista colombiana da nosa historia. Seguro que grazas á súa presenza en Burela, en Colombia seguirannos agora con maior interese e entusiasmo”.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
