CIG Saúde A Mariña vén de denunciar a falta de determinados medicamentos básicos de uso común e de material no Hospital da Costa; unha situación que deriva nunha asistencia sanitaria deficitaria e impropia dun sistema público de saúde e “na que os principais prexudicados son as veciñas e veciños da nosa comarca”.
Para a CIG as políticas neoliberais aplicadas polo Partido Popular na nación galega, impondo agresivos recortes na sanidade pública, a centralización e privatización da central de compras, así como a falta de planificación e previsión dos xestores do Hospital da Costa (sumado á perda de capacidade para decidir sobre recursos materiais na Mariña ao pasar a depender de Lugo pola aplicación do Decreto de Xestión Integrada), dan lugar a situacións como as vividas estes días, impropias dun hospital público onde os maiores prexudicados son os pacientes que non poden recibir unha atención axeitada.
O SERGAS, explican dende a CIG-Saúde, nega estas carencias e refire que son casos moi puntuais e debidos a un problema alleo de distribución dos laboratorios fabricantes e que se están a administrar tratamentos alternativos. Non obstante, para a central nacionalista estes problemas de abastecemento continúan activos a día de hoxe, con falta de material para administrar inhaladores en doentes con patoloxías respiratorias, material básico de curas e outros medicamentos de manexo frecuente.
A central nacionalista tamén advirte de que algúns dos fármacos deficitarios non teñen outro medicamento alternativo como si asegura o SERGAS, “faltando á verdade para intentar frear a alarma social creada”.
Privatizar servizos é minguar á calidade
Para CIG-Saúde A Mariña, a Xunta é a encargada de velar polo cumprimento das condicións estabelecidas no contrato ao privatizar e centralizar o servizo de compras, tamén no relativo aos prazos dos repartos. Do mesmo xeito, sinalan que o que está a acontecer é un exemplo “de que privatizar servizos mingua a calidade da asistencia sendo o principal prexudicado o/a paciente”.
Solicitude de resposta á Xerencia
Ante a situación vivida no Hospital da Costa durante os últimos días, que aínda persiste, de falta de abastecemento de fármacos e material básico de uso común, a central nacionalista solicita por escrito a relación de fármacos e material que quedaron desabastecidos, o motivo do devandito desabastecemento, e cales son os sistemas de alerta instaurados na farmacia do Hospital da Costa ante a falta de fármacos. Finalmente, a Federación de Saúde reclama á Xerencia Executiva do Hospital unha unha solución inmediata “ante unha situación intolerábel nun hospital do sistema público da Galiza”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
