Barreiros, 11 de xaneiro de 2014. O BNG de Barreiros segue a desenvolver unha serie de actos polas parroquias do concello co fin de facilitar información a todos os veciños sobre o Plan Xeral de Ordenación Municipal amosando os planos da documentación inicial do mesmo e que veñen de ser feitos públicos, e ao mesmo tempo recollendo demandas de veciños e colectivos ao respecto. Para o BNG é primordial que tod@s @s barreirenses coñezan a proposta inicial que ten o goberno local do Partido Popular para ordenar urbanísticamente o concello.
Aínda que esta proposta de ordenación chega tarde, despois da desfeita urbanística executada polo PP e co alcalde Alfonso Fuente á fronte, os nacionalistas consideran que son os cidadáns, colectivos e asociacións os que deben xogar un papel importante e determinante na elaboración do documento. Así, os nacionalistas concordan coas demandas amosadas xa polos veciños nos actos celebrados no pasado mes de novembro nas parroquias de Cabarcos, Vilamar e Celeiro de Mariñaos, onde quedou patente o rexeitamento á reducción de solo de núcleo rural para a zona interior do concello en beneficio das zonas ocupadas polas grandes urbanizacións da zona costeira.
Para o BNG non é de recibo que cando se superou a edificabilidade permitida no concello ao construir edificios sen ter garantidos os servizos, agora se pretenda legalizar os mesmos reducíndolles ás parroquias do interior o solo de núcleo rural que se contemplaba nas antigas normas subsidiarias, impedindo así que veciños da zona interior poidan construír unha vivenda unifamiliar.
Con esta proposta urbanística recollida na documentación inicial do PXOM, “o Partido Popular marxina unha vez máis á zona interior do concello, unha zona totalmente abandonada e á que non se dotou de ningún servizo básico na última década”, afirman os nacionalistas. “Para o BNG está clara cal é a aposta do PP e do seu alcalde: beneficiar aos que co seu consentimento e a pesar dos informes xurídicos en contra, consumaron unha das desfeitas urbanísticas máis grandes que se recordan, e cuxas consecuencias agora temos que pagar todos, con diñeiro do erario público, con diñeiro de todos; pois o convenio elaborado pola Xunta de 14 millóns de euros para dotar de servizos a Barreiros non contempla nin un só euro para dotar de servizos mínimos á zona sur do concello”.
Charlas da vindeira semana
Os actos previstos para a vindeira semana terán lugar no Teleclub de Vilamartín o luns 13 de xaneiro ás 20:30h, o martes 14 no Teleclub de A Rilleira, ás 20:30h e o xoves día 16 no Teleclub de San Xusto tamén ás 20:30h.
Os actos informativos continuarán tamén nas parroquias da zona costeira nas vindeiras semanas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
