O romeiro do Partido Popular de Viveiro, portouse mal. Seica os seus admirados reis magos (os de oriente, non os Borbóns), trouxéronlle carbón, e non lle gustou.
O Romeiro, coma tódolos anos, escribiu unha cartiña aos reis, a ver se era posible que lle trouxeran algún regalo, posto que non estaba de todo satisfeito co que lle trouxeron fai dous anos, en forma de posto político a dedo na empresa pública e con gran salario.
Desta volta, non pediu ser Alcalde coma en outras ocasións, iso xa llo pediu a Papá Noel nos días do Nadal, incluso puxo o traxe, pero o vermellón non cumpriu os seus desexos e tívose que conformar co que tiña.
Agora, na súa misiva, empregou termos pouco apropiados, como ignorantes, amnésicos, pírricos, etc. tentando ridiculizar unha manifestación de máis de 200 persoas(os datos non son do BNG, senón dos medios de comunicación) que claman, coma todo o pobo de Viveiro, por unha solución para o muelle vello. Ademais contou algunha mentira das súas, sobre a miña participación e a do BNG no goberno municipal. Semellante argumentario, non lles gustou aos reis, que analizando o contido desta carta, e de todas as anteriores no 2013, decidiron traerlle carbón, aínda por riba de importación, coma ó ministro. Isto ao romeiro non lle gustou.
Sr. Aja, unha vez revisadas todas e cada unha actas das Xuntas de Goberno Municipal e Plenos de Viveiro, durante os anos 2011 e 2012, non existe nin unha sola na que se aprobara esa solicitude para os Galpóns de Viveiro. Nós non temos coñecemento de que iso se producira, pode ser unha solicitude por decisión unilateral da Alcaldía, coma moitas que se tomaron nese tempo, e der ser así, vostede que ten tódolos datos, pídalle contas ao Partido Socialista Obrero Español.
Ademais, de ser certas as súas declaracións, déixeme facerlle dúas preguntas; se Portos de Galicia tiña a intención de demoler os Galpóns do peirao de Viveiro, como vostede afirmou en numerosas ocasións, ¿porque non denegou esa autorización, e os demoleu directamente?. E en segundo lugar, o 31 de maio do 2012, en Portos anunciaron que ían facer un proxecto para demoler os galpóns, que o faría a empresa Tragsa(sonaralle), cun prazo de 3 meses e 7000 euros de custe. Fíxose ese proxecto, ou dedicaron o diñeiro a outra cousa?
O Partido Popular non quere que o Muelle Vello sexa reparado, votaron, coa súa maioría absolutísima, en contra da emenda aos orzamentos da Xunta que presentou o BNG, na que pediamos 3 millóns de euros para un proxecto de reforma integral.
Pídolle sr. Aja, que deixe de remexer co Muelle Vello, que remate coa súa política de “e ti máis”, e o seu partido que goberna na Xunta e no Estado, chegue a consenso coa Corporación Municipal, para darlle ao peirao unha solución, dunha vez por todas.
É a súa responsabilidade.
Bernardo Fraga
Portavoz do BNG de Viveiro
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
