ADEGA concede os premios 2013 dos certames de fotografía, relato e curtas polo territorio

Lugo, a 15 de xaneiro de 2014.- Este mércores tivo lugar, ás 12 do mediodía, no Salón de Actos da Deputación de Lugo o acto de entrega dos Premios 2013 polo Territorio convocados por ADEGA para que a sociedade galega retrate o estado actual do territorio galego a través da imaxe e da palabra. Trátase da III Edición dos Concursos de fotografías e de relatos e do II Certame de curtametraxes, apoiados co patrocinio da Área de Cultura da Deputación de Lugo, e enmarcados na campaña de ADEGA “PONTE NO MEDIO. MÓVETE POLO TERRITORIO”.

Nesta última edición achegáronse 68 fotografías de 24 participantes, 65 relatos de 60 participantes e 11 curtametraxes de 10 participantes procedentes de toda a xeografía galega: Mugardos, Agolada, Lalín, Lugo, Cerceda, As Nogais, Vilar de Santos, A Estrada, Sober, Ferrol, Cedeira, Ourense, Ribeira, Brión, Arbo, Pontecesures, Salceda de Caselas, Nigrán…

Os galardoados e finalistas da actual edición dos Certames foron:
III CONCURSO “FOTOGRAFÍAS POLO TERRITORIO”
Categoría Adultos/as:
-Gañador; “Os Montes esquecidos nas cinzas” de Manuel Brey Pazos (A Estrada). (Diploma e 200 euros).
-Finalistas:
“Chove” de Ángel Luís Utrera Baza (Agolada). (Diploma).
“CauchoaePirelli” de Alejandro gonzález Díaz (Neiras/Sober) . (Diploma).
“Coa man ao pescozo” de Alberte Sánchez Regueiro (Cerceda). (Diploma).
“Xente que non quere o AVE” de Victor Barro Casal (Ourense). (Diploma).

Categoría Xuvenil:
-Gañador; “Confianza nos veciños” de Marcos Utrera Iglesias (Agolada). (Diploma e 150 euros).
-Finalistas:
“Praia de Patos” de Laura Rodríguez Barreiro (Paxón/Nigrán). (Diploma).
“Pequeno salto” e “A auga descansa” de Ariadna Silva Fernández (A Estrada). (Diploma).

III Concurso de relatos “O lugar onde vivo”:
Categoría Adultos/as:
-Gañador; “A catarse oceánica” de Vanesa Santiago Vázquez (Fontán/Sada).(Diploma e 250 euros).
-Finalistas:
“A auga catastŕofica” de Beatríz Pérez González (Ourense). (Diploma).
“Sen esquecemento” de Violeta López Landín (Salceda de Caselas). (Diploma).
“Caaveiro” de Pedro Naveira Pedreira (A Coruña). (Diploma).
“Terra de autómatas” de José Marcelino Saavedra Martínez (Ferrol). (Diploma).

Categoría Xuvenil:
-Gañador; “Os muíños do Lambre” de Manuel José Couce Sánchez (Miño/A Coruña). (Diploma e 200 euros).
-Finalistas:
“Nun recuncho do mundo xa case esquecido” de Andrea Gutiérrez Torres (A Estrada). (Diploma).
“Días de outubro” de Alba Mato Búa (A Estrada). (Diploma).
“O Pindo, o Ézaro, Galicia e os romanos” de Fermín Caamaño Louro (Santiago de Compostela). (Diploma).

II Concurso de curtametraxes “E ti que é o que vés?”:
Categoría única:
-Gañadores:
1º premio; “As feridas do Xallas” de María Redonda Bujeiro (Corcubión). (Diploma e 250 euros).
2º premio; “Fala” de Marina Chiavegatto e Millán Castro. (Diploma e 150 euros).
-Finalistas:
“A cara oculta da Ría da Plata” de Gallaecia Filmes; Xosé Seoane, Manuel José Couce e Jorge González (Sada). (Diploma).
“Ás 20:30” de Cármen Pérez González-Granxeiro (Lugo). (Diploma).
“Semente Galicia” de Guillermo Maceiras, Raquel González, Illo Mur e Bruno Martínez (Lugo). (Diploma).

Os diferentes galardóns foron entregados por varios representantes de ADEGA, membros do xurado e polo delegado de Cultura na Deputación de Lugo, Mario Outeiro.