O Presidente da Deputación de Lugo, José Ramón Gómez Besteiro, e o Alcalde do Valadouro, Edmundo Maseda, acompañados pola Vicepresidenta Segunda do organismo provincial, Lara Méndez, asinaron este mércores o convenio de colaboración para a posta en marcha en dito municipio mariñao da primeira escola pública e gratuíta en Galicia de horticultura ecolóxica. Trátase dun proxecto que busca xerar emprego no rural, facendo fronte ó despoboamento demográfico, recuperar o territorio de xeito sostible e profesionalizar por vez primeira este sector, incrementando as súas oportunidades laborais e económicas.
Gómez Besteiro salientou que “esta escola pública e gratuíta brindará a posibilidade de formarse con practicas remuneradas e recibir asesoramento personalizado, todo a custe cero, para a creación e consolidación de novas explotacións ou cooperativas sobre un sector que xera en Galicia un volume de negocio de 1 millón de euros e 150 empregos, co aproveitamento de tan só unhas 100 hectáreas de terreo. Pero as oportunidades laborais e económicas da horticultura ecolóxica poderían triplicarse co aproveitamento da superficie agraria útil da Comunidade. No caso da Mariña, as condicións climatolóxica da zona favorecen o éxito deste sector, que non require de importantes investimentos para iniciar a actividade como ocorre, por exemplo, coa gandeiría. É un verdadeiro nicho de emprego no rural, que contribúe á recuperación do noso territorio”.
A primeira escola pública en Galicia de horticultura ecolóxica ofrecerá ós alumnos formación e prácticas remuneradas durante 1 ano, así como asesoramento outros 4 anos máis, co obxectivo de consolidar os negocios saíntes, tendo en conta que as empresas de nova creación tenden a desaparecer nos primeiros anos de vida.
No primeiro ano, coñecerán as particularidades dos productos de horta nas campañas de verán (tomates, pementos, xudías…) e inverno (repolo, brócoli, chícharos…). Cada alumno será responsable dunha parcela nas novas instalacións que Deputación e Concello xa acondicionan detrás do Consistorio de dito municipio, onde porán en práctica os coñecementos adquiridos. Neste mesmo espazo, contarán cunha infraestrutura onde aprenderán a embalar os seus produtos con todos os requisitos sanitarios e de selado ecolóxico para a súa posta á venda. Todo o recompilado coa comercialización dos seus produtos será para un capital social que contribúa á posta en marcha dos negocios ou cooperativas do alumnado.
Ademais, recibirán formación sobre comercialización, novas tecnoloxías, xestión empresarial, enerxías renovables, industrialización, captación de recursos económicos, vantaxes do asociacionismo agrario para a posta en marcha de cooperativas…, en definitiva, sobre o completo proceso de creación e funcionamento dos negocios.
Creación e consolidación das empresas
No segundo ano, porán en marcha as súas propias explotacións baixo a tutela dun titor, que lles ofrecerá colaboración durante todo o proceso, facilitándolles asesoramento personalizado en materia de produción, comercialización, xestión económica ou trámites administrativos. A partires do terceiro ano, o titor continuará prestando colaboración para a consolidación das empresas saíntes. Crearase entón na primeira escola pública en Galicia de horticultura ecolóxica un foro permanente, onde se debatan os problemas, oportunidades e todos os aspectos que xurdan durante a actividade dos ex alumnos, servindo como exemplo para futuros alumnos.
Novas instalacións
Gómez Besteiro, Lara Méndez e Edmundo Maseda supervisarán o inicio dos traballos de acondicionamento dunha parcela de 7.000 metros cadrados, situada detrás da Casa Consistorial do Valadouro, que estaba en desuso, onde se situarán os invernadoiros, as parcelas individuais e as instalacións para o embalaxe dos produtos ecolóxicos. A 1º escola pública e gratuíta en Galicia de horticultura ecolóxica estará en funcionamento en maio, podendo acoller xa ós primeiros 8 alumnos. Esta iniciativa conta cun presuposto inicial de 275.000 euros, financiados en preto do 80% pola Deputación de Lugo, con 215.000 euros, e nun 20% polo Concello do Valadouro, con 60.000 euros.
Proxecto de investigación de produtos pesqueiros
O Presidente tamén visitou Viveiro este mércores acompañado da Alcaldesa, María Loureiro, onde asinaron un convenio de colaboración coa USC para a posta en marcha dun proxecto de investigación pioneiro en España, que permita obter novos derivados do bonito e da merluza, ofrecendo alternativas laborais e incrementando o volume de negocio destes produtos. No 2013, as lonxas de Burela e Celeiro venderon máis de 10 millóns de quilos de merluza, acadando beneficios superiores ós 40 millóns de euros. En Burela, facturáronse ademais outros 7 millóns de euros coa comercialización do bonito. O obxectivo desta iniciativa é acadar produtos do músculo deste pescado, que na actualidade non existen, como por exemplo xamón cocido de bonito do norte e da merluza. Este proxecto, dotado de 30.000 euros da Deputación, inclúe talleres gratuíto para desempregados, que se impartirán en Burela e Viveiro, ós que se lles dará conta dos resultados desta iniciativa, transmitíndolles os coñecementos prácticos necesarios para a súa inserción laboral nesta nova actividade.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
