Un total de 1.300 persoas seguiron en directo a Final do VII Campionato de Baristas de Escolas de Hostalería a través da web da Fundación TIC (www.fundaciontic.org), que tamén emitirá mañá por streaming o II Campionato Internacional de Baristas Profesionais grazas ó labor dos alumnos de 2º do Ciclo de Realización da Escola de Imaxe e Son (EIS), o único centro da provincia que imparte ensinanzas superiores da rama audiovisual.
A Vicepresidenta Segunda da Deputación, Lara Méndez, e o Deputado de Economía do Coñecemento, Emprendedores e Innovación, Alfredo Llano, asistiron este martes no IES de Foz á competición das escolas de hostalería na que participaron 17 centros de España e Portugal. Lara Méndez asegurou que “esta nova colaboración entre a TIC e o instituto focense permitiu ver os detalles de todas as probas e seguilas en directo desde calquera parte do mundo”. Ademais, a Vicepresidenta afirmou que “os campionatos de baristas que se celebran estes días na Mariña converten a Foz nun punto de referencia desta disciplina a nivel nacional, fomentando unha formación de calidade de cara á creación de emprego no sector hostaleiro”.
Pola súa banda, Alfredo Llano dixo que “esta tamén é unha boa oportunidade para que os alumnos da EIS fagan prácticas nun escenario real, xa que son eles os que realizan, gravan e emiten por streaming o evento”, e destacou o amplo seguimento a través da web da Fundación da Final do VII Campionato de Baristas de Escolas de Hostalería.
Cobertura os tres días de competicións
A TIC ampliou a cobertura ós tres días do encontro de campionatos internacionais de baristas, que se desenvolven do 10 ó 12 de febreiro. Deste xeito, ademais do VII Campionato Internacional de Baristas de Escolas de Hostalería e o II Campionato Internacional de Baristas Profesionais, nesta ocasión os alumnos da EIS realizaron e gravaron o II Campionato internacional de catas de café, que tivo lugar na xornada inaugural. Este mércores celébrase o II Campionato Internacional de Baristas Profesionais, que tamén se poderá ver en directo por internet. Neste caso reunirá a 16 especialistas, entre outros, os actuais campións baristas de Galicia, Guillermo González; de Asturias, Adrián González; de Murcia, Edwin Chaverra; e de Cantabria, Alexis Javier Silva.
Práctica nun escenario real
Esta actividade da TIC é unha práctica do módulo de Realización de Televisión da EIS e nela os alumnos de 2º de Realización, co apoio de docentes, emiten as probas dos campionatos a través da páxina web da TIC. Ademais, os que se achegan ata o instituto focense poden seguir as demostracións dos participantes sen perder detalle, grazas a dúas pantallas de plasma. Coma noutras edicións, o material audiovisual que se obteña empregarase para a edición dun DVD, que se entregará posteriormente ó IES de Foz. Para esta práctica, os alumnos da EIS están a empregar unha unidade móbil, 5 cámaras autónomas e todo o material para o streaming. Cada estudante rota por todos os postos, dende realización, son, ou operador de cámara, e están pendentes de todo o equipo necesario para o directo.
Apoio ó sector hostaleiro da provincia
A colaboración entre a TIC e o instituto de Foz é froito dun convenio entre ambas entidades, que ten como finalidade promover no exterior as ensinanzas de hostalería que se imparten no IES mariñán, ó tempo que os estudantes da Escola de Imaxe e Son completan a súa formación de cara a súa inserción laboral.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.