A Mariña, 12 de febreiro de 2014. Os parlamentarios nacionalistas, Montse Prado e Cosme Pombo, interpelarán o próximo xoves á Xunta na Comisión de Sanidade sobre a parálise do anunciado proxecto para a posta en funcionamento no Hospital da Costa dun Hospital de Día Oncolóxico. Para o BNG estamos diante doutra das promesas incumpridas do Partido Popular para acalar a crítica social diante da perda de autonomía na xestión sanitaria pública da comarca coa consecuencia da perda de servizos, derivación de doentes e privatizacións.
Dende o BNG insisten en que o proxecto para a posta en funcionamento do servizo de quimioterapia no Hospital da Costa segue parado e sen avances, non existe ningunha previsión que indique pasos adiante na posta en marcha do servizo a pesar de que o propio xerente provincial, García Quintáns e o Partido Popular prometeron, nun caso o inicio do servizo en 2013 e noutro a garantía do propio partido para darlle efectividade ao servizo por medio dunha iniciativa debatida no Parlamento Galego que contou co apoio do BNG.
A fronte nacionalista na Mariña acusou a Quintáns de “enganar á poboación mariñá con falsos anuncios sen concreción e ao parlamentario popular, José Manuel Balseiro, de conseguidor fracasado xa que nin un, nin outro traballan para mellorar os servizos sanitarios públicos na comarca, senón como órganos de propaganda ao servizo dun goberno da Xunta que actúa con soberbia e de costas á cidadanía”.
O BNG mariñao volveu pedir aos dirixentes do Partido Popular na comarca e ao propio Quintás, que dean a cara e expliquen os motivos do retraso para posta en funcionamento do Hospital de Día Oncolóxico na comarca, xa que van case oito meses dende que se publicou nos medios de comunicación a posibilidade de ofrecer este servizo e segue sen avances de ningún tipo. Mentres, as persoas afectadas e as súas familias, continúan tendo que realizar penosas viaxes para someterse a tratamentos de cura para enfermidade xa de por si dura e complicada.
A Deputada de Economía, Recadación, Facenda e Especial de Contas, Carmela López, participou na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas.
Este dispositivo, deseñado e fabricado polo persoal de Sargadelos contribuirá a facer máis atractiva a visita ao complexo socio-cultural. Conxunto integrado pola fábrica, o museo de cerámica, o horto dos alieníxenas, a piscina dos desenganos, a taberna dos irmandiños e diversas esculturas e dispositivos emprazados nos terreos da propiedade.
Nova edición dos mércores de natureza polo Río Sor, este 16 de xullo ás 11h, partindo do porto do Vicedo (Inscrición no 982 59 01 95). O mesmo día ás 20:30h na Casa da Cultura charla sobre os microbios nos alimentos co profesor Antonio Juárez. Xa o venres nos exteriores da Casa da Cultura nova visita da furgoneta de Galicia Sabe aMar que permitirá probar pinchos mariñeiros para resaltar as propiedades dos nosos peixes. Para rematar o domingo a I Marcha contra o cancro partindo desde a ponte vella e rematando no parque da Casa da Cultura. Inscricións durante toda esta semana na Casa da Cultura. Ademais de todo esto, Os do 21 organizan o seu festival 'Lembranzas' o sábado ás 19:30h no seu local social.
Na presentación do cartaz estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 do mediodía dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
Trátase dun espazo de 33,5 metros cadrados situado nun inmoble da rúa Rosalía de Castro da localidade. O delegado territorial de Lugo, Javier Arias, e a alcaldesa de Viveiro, Mariña Gueimunde, formalizaron a entrega, que se fai en réxime de alugamento. Arias puxo en valor a colaboración entre a Xunta e as entidades locais para mellorar os servizos públicos que prestan no ámbito municipal.
"Consideramos que non estaría de máis a instalación dunha papeleira fixa na zona, co fin de mellorar a conservación do espazo". "Así mesmo, para quen corresponda, sinalamos que os eucaliptos situados no cantil representan un perigo evidente, tanto pola súa inestabilidade como polo risco que supoñen para as persoas".
O concelleiro de Mocidade, Francisco José Silvent, explicou que “ayer, jueves 10 de julio, pudimos disfrutar en la playa de Os Bloques de una tarde super entretenida desde las cuatro hasta las siete. Contamos con hinchables acuáticos, donde todos los ribadenses y visitantes disfrutaron de una tarde increíble”. O edil ribadense engadiu; “os esperamos porque habrá más juegos en la playa de Os Bloques. Desde la Concellería de Mocidade seguimos apoyando y dinamizando este fantástico verano”.
