A Semana Santa de Viveiro contará este ano cun pregoeiro de excepción: o Franciscano, Monseñor Fray José Rodríguez Carballo.
“Como é habitual todos os anos, a Xunta de Cofradías organiza o Pregón da Semana Santa, poñendo gran ilusión en traer como pregoeiros a personalidades que, dalgunha maneira, den o prestixio que a Semana Maior merece”.
Este ano de maneira especial tiñamos que conseguir unha persoa que cumprise este obxectivo, dado que se celebra a Primeira Semana Santa de Interese Turístico Internacional que, ademais, coincide co 800 aniversario da chegada dos Franciscanos a Viveiro e a visita de San Francisco a Santiago. Polo tanto, dende a Xunta de Cofradías “puxemos o listón moi alto e pensamos nunha persoa que reunise estas dúas condicións, e quen mellor que o que foi Ministro Xeneral dos Franciscanos ata o ano pasado e cun currículo que define a Categoría de MONSEÑOR FRAY JOSE RODRIGUEZ CARBALLO, pregoeiro da Semana Santa de Viveiro de Interese Turístico Internacional 2014”.
Monseñor aceptou a invitación “a pesar das múltiples tarefas que a súa axenda lle depara e salvando a gran distancia que nos separa, pero que os viveirenses saberemos agradecer”.
Traballo da Xunta de Cofradías
A Xunta de Cofradías traballa en total armonía e con tesón por parte das oito que a integran, para conseguir que a nosa Semana Santa siga o lema dunha delas “¡SIEMPRE MÁS Y SIEMPRE MEJOR¡”
Monseñor Fray José Rodríguez Carballo
Monseñor Fray José Rodríguez Carballo O.F.M. (Lodoselo – Ourense, 11 de agosto de 1953), foi Ministro General da Orde de Frailes Menores dende o ano 2003 ata abril de 2013. En 2003 foi elixido ó servizo de Ministro General sucedendo no cargo a Fray Giacomo Bini, OFM (1997-2003). Actualmente é Arzobispo titular de Belcastro e secretario da Congregación para os Institutos de Vida Consagrada e as Sociedades de Vida Apostólica, nomeado en 2013 polo papa Francisco.
Entrou á Orde de Frailes Menores, iniciando o seu noviciado o 31 de xullo de 1970, e fixo os seus primeiros votos o 9 de agosto de 1971.
Desenvolveu dentro da súa orde os seguintes servizos:
– Secretario xeral para a Formación e os Estudos;
– Ministro da Provincia de Santiago de Compostela (España);
– Presidente da Unión dos Frailes Menores de Europa;
– Maestro dos relixiosos en período de formación.
Foi tamén Presidente da Conferencia de Relixiosos de Galicia de 1989 a 1997. Ademais, entre 1997 e 2003, foi designado Definidor General da Orde Franciscana.
O 5 de xuño de 2003 no Capítulo General da Orde Franciscana reunido na Porciúncula, 180 Padres Capitulares en representación dos Frailes de todo o mundo, elixírono como 119° Ministro General, o Cardenal Jorge Arturo Medina Estévez que participou designado polo Papa Juan Pablo II foi quen lle fixo entrega dos Sellos da Orde.
No ano 2009, foi reelixido para un novo sexenio no 187° Capítulo General da Orde, actuando esta vez como delegado do Papa Benedicto XVI, o Cardenal Jose Saraiva Martins.
O 7 de agosto de 2004, o Papa Juan Pablo II nomeouno xunto ó Cardenal Julián Herranz Casado membros da Congregación para a Evanxelización dos Pobos, e como tal participou nos Sínodos dos Obispos de 2005, 2008, 2010 e 2012.
O 6 de abril de 2013 é nomeado Secretario da Congregación para os Institutos de Vida Consagrada e as Sociedades de Vida Apostólica e Arzobispo titular de Belcastro polo papa Francisco. Foi consagrado obispo o 18 de maio polo Cardeal Tarcisio Bertone na Catedral de Santiago.
Ten unha licenciatura en Sagrada Escritura polo Instituto Bíblico de Roma e en Teoloxía Bíblica en Jerusalén. Exerceu de profesor no Seminario Maior de Vigo e na Facultade de Teoloxía de Santiago.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
