Burela/Cervo/Xove, 13 de febreiro de 2014.- A delegada territorial da Xunta en Lugo, Raquel Arias visitou na xornada deste xoves na Mariña aos alumnos participantes no obradoiro de emprego Sendas de Burela, Cervo e Xove, impulsado conxuntamente polos tres concellos referidos.
A delegada territorial destacou “o esforzo e o compromiso no eido do fomento da formación e do emprego” que realiza a Consellería de Traballo e Benestar na provincia de Lugo e, neste caso, na comarca da Mariña, na que está a investir máis de 550.000 euros nos tres obradoiros de emprego que están en marcha neste momento. Estas iniciativas, segundo destacou Arias, dan emprego “a preto de 80 persoas, 62 delas como alumnos traballadores e o resto como monitores ou persoal de dirección e administración”.
Arias, xunto cos respectivos alcaldes, José María González Barcia (Burela), Alfonso Villares (Cervo) e Demetrio Salgueiro (Xove), tivo a oportunidade de supervisar as obras que se están a realizar en cada concello e incidiu “na necesidade de seguir sumando sinerxías que procuren a creación de postos de traballo a nivel local”.
Neste sentido, aludiu a que “os concellos xogan un importante papel para detectar e aproveitar os nichos de emprego”, facilitando así que iniciativas formativas como os obradoiros promovan a formación do alumnado en áreas relacionadas cos novos viveiros de emprego susceptibles de xerar postos de traballo en cada zona.
No caso do obradoiro Sendas de Burela, Cervo e Xove, o departamento autonómico de Traballo e Benestar inviste máis de 195.000 euros (195.435,24 euros) neste proxecto, no que 22 traballadores desempregados adquiren formación teórica e experiencia laboral nas especialidades de operacións auxiliares de revestimentos na construción, instalación e mantemento de xardíns e pintura e realizan obras de interese social nos tres concellos.
Os participantes do obradoiro levan a cabo, por exemplo: rehabilitación de vivendas nos Castros (Burela), acondicionamento de xardíns na Atalaia, en Sargadelos e San Cibrao (Cervo) e habilitación de aulas de formación en Palmeiro (Xove).
Raquel Arias defendeu o novo modelo de obradoiros de emprego, que en determinados casos promove aos concellos a mancomunar as propostas, porque “significa coordinar accións e reducir custos, permitindo o acceso do maior número posible de persoas desempregadas”.
Os obradoiros están dirixidos a persoas maiores de 18 e teñen unha duración de seis meses, durante os cales os alumnos traballadores perciben un salario e adquiren unha formación teórica e práctica orientada ás demandas reais do mercado laboral.
Esta filosofía de aprender traballando permite ademais que os obradoiros realicen obras e servizos de interese para os concellos que os albergan, aspecto que tamén sinalou a delegada ao longo da súa visita.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
