Cervo, 17 de marzo de 2014- O pleno da corporación sacou adiante os trámites que permitirán poñer en marcha un sistema de videovixilancia no interior dos edificios públicos para mellorar a seguridade cando sexa necesario como medida preventiva a posibles roubos. En concreto, os grupos da corporación aprobaron a creación dun ficheiro de videovixilancia así como a modificación da ordenanza reguladora da creación de ficheiros con datos persoais.
Ademais, debatéronse todas as mocións presentadas polos grupos da oposición. Unha delas estivo centrada na reforma da lei do aborto, sobre a que o grupo de goberno presentou e aprobou unha emenda na que se instou ao Goberno central a, literalmente, “mellorar o anteproxecto da lei, procurando chegar ao máximo consenso posible coas distintas forzas políticas, tomando como referencia a Lei de 1985 e dentro dos límites establecidos polo Tribunal Constitucional”. Deste xeito, o goberno local pretende que a lei do aborto sexa modificada de forma que se acade o máximo acordo posible pero tendo como base a lei do 85.
Tamén saíu adiante a emenda do grupo de goberno sobre a área sanitaria da Mariña. Neste texto o goberno local instou á Xunta de Galicia a “garantir a continuidade dos servizos, unidades e consultas existentes no Hospital da Costa de Burela e incluso desenvolver cantas xestións e esforzos sexan necesarios para incrementalos e potenciar a súa calidade asistencial” ou tamén “levar adiante de inmediato a ampliación do Hospital da Costa, co fin de adaptalo á actual demanda asistencial, á mellor prestación para os pacientes e á realización do traballo dos profesionais con seguridade e calidade”.
En canto á moción da oposición sobre o emprego, o grupo de goberno aprobou unha emenda na que se reprobou o plan de emprego da Deputación e as súas bases, “excluíntes e partidistas” coas que “deixan fóra do proceso selectivo a todos os desempregados do noso concello”. Da mesma maneira, instouse ao Goberno Provincial a crear un novo plan de emprego ou complementar o actual para que poidan participar nel todos os concellos da provincia, incluído o de Cervo.
En canto á moción sobre a reforma local, quedou aprobada a emenda do grupo de goberno na que se solicita á Xunta que reforme a lei de administración local para “adaptala á realidade de Galicia e ás súas particularidades e especificidades, e tendo en conta as propostas que lle sexan formuladas dende a Fegamp”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
