O Burela FS Pescados Rubén B volveu responder cos tres puntos nunha xornada na que non houbo sorpresas nos postos altos. O cadro de Iván Cao, ‘Lucas’, venceu por 2-4 o 5Coruña FS con hat trick de Carlitos.
Xa no minuto 4 e con dobrete de Carlitos, o conxunto laranxa avantaxaba 0-2 no Barrio das Flores herculino tras un roubo en primeira instancia e xogada elaborada despois. No entanto, os coruñeses aproveitaron unha contra para reducir distancias, no minuto 6, de Juan. A pesar da presión burelista, o luminoso mantívose sen alteracións ata o descanso.
No segundo período, a finalización tamén se resistiu. O Burela FS non se atopaba cómodo e cometía imprecisións nos últimos metros. Precisamente nunha perda dos visitantes, chegou o empate, no minuto 33, de Xián. Foi entón cando volveron reaccionar os de Lucas coa súa pegada; tan só un minuto despois Carlitos anotaba o terceiro. A falta de tres para o final, o 5Coruña FS apostou por porteiro-xogador; o 2-4 definitivo foi obra do meta Javi Fajardo, no 39.
Ficha técnica
5Coruña FS: Óscar, Sombrita, Luis, Iván Presno e Cristian, no cinco inicial; tamén xogaron Jesús, Andrés, Sergi, Juan, Alfonso e Xián.
Burela FS B: Brais, Manu, Keko, Carlitos e Alemán, no cinco inicial; tamén xogaron Hélder, Antón, Xoel, Pancho, Aitor e Javi.
Goles: 0-1 minuto 2, Carlitos; 0-2, minuto 4, Carlitos; 1-2, minuto 6, Juan; 2-2, minuto 33, Xián; 2-3, minuto 34, Carlitos; 2-4, minuto 39, Javi
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
