Barreiros, 20 de marzo de 2014. O alcalde de Barreiros, Alfonso Fuente, subliña que este ano non se incrementarán os impostos municipais e que tampouco se repercutirá nos veciños a suba do canon de Sogama. O rexedor asegura que a situación económica do Concello é estable e anuncia que de seguir así no 2015 incluso algúns impostos poderían baixar. Deste xeito resposta ás críticas vertidas nas últimas horas desde o grupo municipal do BNG, tras o pleno celebrado o pasado luns e no que se deu luz verde ao presuposto municipal para este ano que ascende a máis de 4 millóns de euros.
Ao rexedor barreirense sorpréndelle “pero non tanto as críticas do Bloque Nacionalista Galego ao presupostos de Barreiros porque de feito non quixo practicamente nin analizalos. Vemos que o debate o traslada aos medios de comunicación e non o fai no pleno”.
Fuente Parga alude á nota de prensa do BNG na que din que se vai ter que asumir o pago dun préstamo: “faltaría máis, os préstamos cando se piden son para pagalos. Non sei se hai que explicarlle ao Bloque outra vez que cando é unha subvención evidentemente non se paga, pero cando é un préstamo hai que pagalo. O que pasa é que como ultimamente o Bloque Nacionalista Galego se dedica a protestar por todo e a ir en contra da lexislación tódolos días tamén irán en contra de ter que pagar ata os préstamos que se solicitan. O Concello de Barreiros solicitou un préstamo para pago a provedores igual que outros Concellos, porque o Estado puxo a disposición á nosa disposición esta posibilidade para poder pagar ás empresas, non adebedarlles e poder cumprir eses períodos de pago, no que en Galicia somos dos máis cumpridores no pago, entre eles tamén o Concello de Barreiros”.
Para o alcalde de Barreiros as acusacións realizadas desde o BNG “están na liña da crítica que ven facendo o Bloque Nacionalista Galego. Hai que devolver o préstamo, pero nada dixeron en todos estes meses atrás cando o Concello xa tivo que pagar unha cantidade, incluso maior, tódolos meses para facer fronte ao canon de saneamento, que non se estivo repercutindo nestes últimos anos aos veciños de Barreiros”.
Fuente Parga segue a relatar que “por outro lado, no presuposto aparecen 185.000 euros para inversións reais, pero tamén vai un millón de euros para ese convenio que se ten firmado coa Xunta e coa Deputación. E que esa crítica parta do vicepresidente primeiro da Deputación Provincial indica que parece que non se decata dos convenios que firma o presidente, que ten asinado un convenio coa Xunta de Galicia e co Concello de Barreiros para executar obras no municipio. Esperamos que este ano a Xunta de Galicia adxudique unhas partidas de entre 4,5 e 5 millóns de euros para investimentos reais no noso concello”.
Ao rexedor parécelle “curioso tamén que o Bloque Nacionalista Galego critique agora o que se gasta en procesos xudiciais. Quen te mete neses procesos xudiciais non debe sorprenderse do que costa a defensa do Concello, que nestas últimas sentenzas están saíndo ben, pero hai que pagar a eses profesionais que se dedican a defender ao Concello de Barreiros ante as denuncias que fixo o Bloque Nacionalista Galego xuntamente co Partido Socialista cando gobernaban como bipartito na Xunta de Galicia”.
Alfonso Fuente subliñou que “en liñas xerais o presuposto de Barreiros segue manténdose igual que outros anos, segue contemplando partidas para investimentos”.
Sobre as críticas nacionalistas engadiu que “parece que non se quixeron decatar do último punto da orde do día do pleno, cando se aproba o plan económico financeiro, que di ben clariño que non se van subir os impostos no Concello de Barreiros; é máis, do ano pasado para este non subiron os impostos nin tampouco se vai repercutir aos veciños a suba de Sogama, porque o Concello de Barreiros está agora mesmo nunha situación estable e evidentemente iso lévanos a pensar que de seguir nunha situación similar no ano 2014 e veremos cando cerremos o ano, a 31 de decembro, e fagamos esa liquidación destes presupostos que se veñen de aprobar incluso poderemos estudar algunha rebaixa de impostos de cara ao 2015. Iso tamén vai depender de cómo vaia a economía a nivel xeral nestes país, porque se as cousas van ben as transferencias que nos ven facendo o Estado poderán incrementarse, non só en Barreiros senón en calquera outro Concello de España”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
