A Vicepresidenta Segunda da Deputación de Lugo, Lara Méndez López, asistiu este martes á sesión do Parlamento na que se debateu a Iniciativa Lexislativa Popular en reclamo de Hemodinámica as 24 horas, Radioterapia e Medicina Nuclear para o Hula. Lara Méndez destacou que “tivemos que empuxar ó Partido Popular máis de 40.000 persoas para que rectificase e apoie dar ós lucenses os mesmos servizos sanitarios que ó resto de galegos. Lugo é a última provincia para o PP”.
“Tras ano e medio pelexando por este compromiso do PP, agora toca pasar ós feitos. A Xunta debe cumprir cos prazos acordados por unanimidade para que, dunha vez por todas, deixe de tratar ós lucenses como cidadáns de segunda. Nun prazo máximo de 6 meses, ten que dotar ó Hula de Hemodinámica as 24 horas, e nun ano, de Radioterapia e Medicina Nuclear, tal e como recolle a ILP acordada hoxe. Controlaremos e esixiremos o cumprimento destes prazos, apoiando ós miles de lucenses que así o demandan”, subliñou Méndez.
“Tamén defenderemos as reivindicacións dos veciños do barrio da Residencia, que levan anos esperando a que a Xunta sitúe no antigo Hospital Xeral un centro de saúde e un PAC. Dende 2001, os veciños desta zona, co apoio de institucións, como Deputación e Concello de Lugo, e sindicatos, celebraron ducias de manifestacións e marchas en reclamo da supervivencia do barrio. O PP fixo caso omiso as nosas peticións durante más de 3 anos pero hoxe, coa aprobación desta iniciativa, conseguimos que, publicamente, a Xunta se comprometa co barrio da Residencia”, destacou a Vicepresidenta.
Apoio recoñecido
Membros da Comisión do Hula, integrada pola Federación de Asociacións de Veciños de Lugo e a Asociación Abre la Muralla, recoñeceron persoalmente o apoio da Deputación de Lugo ás súas reivindicacións. E é que o organismo provincial aprobou varias mocións no Pleno, esixindo á Xunta Hemodinámica as 24 horas, Radioterapia e Medicina Nuclear para o Hula, así como servizos para o antigo Hospital Xeral. Todos os Deputados do Goberno Provincial apoiaron a campaña de recollida de sinaturas para a presentación da ILP que se debateu hoxe. Ademais, a Deputación secundou as manifestacións celebrada neste senso, tanto as dúas en reclamo de servizos para o Hula, que tiveron lugar en xaneiro e xuño de 2013, sendo esta última a máis multitudinaria na provincia, ó acadar a participación de 18.000 persoas; como as organizadas polos veciños do barrio da Residencia.
Precisamente, “como mostra da sensibilidade e involucración da Deputación”, a Comisión do Hula adiantou a finais de novembro de 2013, nun encontro no Pazo de San Marcos co Presidente, José Ramón Gómez Besteiro, o peche da campaña de recollida de sinaturas logo da ponte da Constitución, esperando o apoio de máis de 40.000 persoas, cifra que superaron. Hai que ter en conta que para presentar unha iniciativa parlamentaria popular son precisas 15.000 sinaturas. A Comisión do Hula case triplicou esta cantidade.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
