Cervo, 27 de marzo de 2014.- A fronte nacionalista rexeita a intención do goberno local de utilizar case 400.000 euros do remanente de tesourería de 2013 na remodelación do campo municipal da Veiga por entender que é un investimento non prioritario no contexto actual de crise económica e de necesidades do concello. O BNG considera que as instalacións deportivas da Veiga requiren un mantemento que o concello non fixo nestes anos, pero non un investimento da magnitude que se pretende, xa que nin existe tal demanda, nin é garantía dunha maior práctica deportiva. O BNG non entende a urxencia do goberno local por esta obra e acúsao de ser insensíbel á realidade social que vivimos e ás necesidades mais perentorias do concello e da súa veciñanza.
Os nacionalistas anunciaron o seu voto contrario á modificación de créditos proposta pola alcaldía no pleno que se celebrará hoxe ás oito da tarde en Cervo pola que se pretende usar unha parte do remanente de tesourería do exercizo 2013 na remodelación das instalacións do campo de fútbol da Veiga para facer un campo de herba sintética cun investimento de 378.816,87 €.
Para a fronte nacionalista estamos diante dunha proposta “insultante e megalómana nun contexto de crise e desemprego como o que sufrimos”, con xente vivindo no concello que padece carencias en materia social moi importantes que non están a ser atendidas a pesar do risco de exclusión social, mesmo infraestruturas básicas de saneamento inexistentes na práctica totalidade das parroquias do territorio municipal que o goberno local semella ignorar.
Os nacionalistas lembran que o concello de Cervo segue tendo unha débeda principal situada en mais de cinco millóns de euros – 1.237 euros por habitante – , con cinco créditos bancarios en vigor que lle obrigan este ano a abonar mais de 600.000 euros entre amortización de principal e xuros. Por outra banda a mala situación económica do concello supuxo ter que sumarse a un Plan de Axuste durante 10 anos que obrigou a cargar sobre a sociedade incrementos moi cuantiosos en taxas e impostos municipais, froito dunha época de despilfarro económico sen límites nos momentos álxidos da burbulla inmobiliaria.
Por último, dende o BNG, quixeron deixar claro que as infraestruturas deportivas municipais son importantes e deben manterse en bo estado pero constatan que no caso do campo de fútbol municipal non se detecta a necesidade perentoria de substitución do céspede natural por outro artificial, senón mais ben o seu adecuado mantemento e unha actuación puntual na zona de gradas e vestiarios que require dalgunhas obras de mellora.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
