O Burela FS Pescados Rubén pelexará mañá polo seu pase á cita decisiva polo título da XXIII Copa Galicia; será na pista do Cidade das Burgas (Os Remedios, 20.00 horas). No caso de saír vitoriosas, as laranxas veranse as caras na gran final co Ponte Ourense, que se impuxo en semifinais ao Viaxes Amarelle (1-5).
Tras a perda dos tres puntos e o liderado na pista do Atlético de Madrid Navalcarnero, o cadro de Quico Otero amósase moi motivado con este compromiso: “O máis saudable é competir enseguida, ter novas esixencias rapidamente para sobrepoñerse do resultado en contra de liga e seguir pelexando porque aínda quedan moitos puntos en xogo” dicía con optimismo o técnico, con palabras de agradecemento ademais para o máis de medio cento de seareiros que se desprazou a Madrid o sábado: “Quedamos sorprendidos e felices; animaron en todo momento e déronnos grandes mostras de apoio ao final; tan só esperamos demostrar a nosa gratitude con resultados”.
“Esta é unha competición moi importante e debemos estar plenamente involucrados. Medímonos a un rival moi perigoso na casa, que está deixando poucos puntos en liga na súa pista. Teremos que ter paciencia porque seguramente o Cidade nos esperará pechado agardando un erro noso e debemos ter especial coidado cos seus puntos fortes, os balóns verticais, os desprazamentos longos de esférico e o xogo en área contraria” adiantaba así a lectura do partido Quico Otero.
As mariñás porán rumbo a terras ourensás mañá ás 15.30 horas. Lidia e Peque viaxan con pequenas molestias, Daniela chegará algo minguada por unha escordadura de nocello sufrida en Navalcarnero e Maite plantarase en plena recuperación do ton físico, despois de disputar os primeiros minutos ante o Atlético tras unha lesión que a tivo afastada case dous meses da competición.
Final masculina
O Burela FS Pescados Rubén xa coñece o seu rival da gran final; será o Santiago Futsal, que venceu onte en semifinais o Cidade de Narón, por un axustado 2-3. Os laranxas conseguiron o billete para a cita decisiva despois de impoñerse en Vista Alegre ao actual campión, Azkar Lugo, por 1-0.
*Foto: A Caixa Escura Producións
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
