Santiago de Compostela, 3 de abril. Este ano, a Organización Mundial da Saúde (OMS) dedica o Día Mundial da Saúde a combater as enfermidades que se transmiten por vectores, ou o que é o mesmo, a través das picaduras de pequenos animais como os mosquitos, os chinches ou as carrachas.
A malaria, o dengue e o mal de chagas son tres das enfermidades transmitidas por picadura de mosquito cunha maior taxa de prevalencia. En 2012, a transmisión activa de paludismo dábase en 99 países e, segundo a OMS, ese ano houbo uns 207 millóns de casos que causaron 660.000 mortes, a maioría das cales á infancia. Calcúlase que cada minuto un neno/a morre por culpa desta enfermidade.
Por outra banda, nas últimas décadas aumentou enormemente a incidencia do dengue en todo o mundo, especialmente en zonas urbanas e semiurbanas. Calcúlase que máis de 2.500 millóns de persoas (o 40% de la poboación mundial) están en risco de contraer esta enfermidade e cada ano prodúcense entre 50 e 100 millóns de infeccións por este virus. Ao que se refire ao mal de Chagas, calcúlase que no mundo hai entre 7 e 8 millóns de persoas infectadas, a maioría das cales en América Latina, onde a enfermidade é endémica.
Actualmente non existe ningunha vacina contra a malaria, o dengue e a enfermidade de Chagas (aínda que hai distintos estudos en marca) así que a prevención, a detección precoz e os tratamentos adecuados son fundamentais para facerlles fronte.
Ademais deste tipo de enfermidades, o Día Mundial da Saúde é unha data na que as ONG de Desenvolvemento centramos a atención en tres dos oito Obxectivos de Desenvolvemento do Milenio (ODM) que o ano 2000 foron comprometidos por 189 xefes/as de Estado e que están directamente relacionados coa saúde:
ODM 4: Reducir en dúas terceiras partes a mortalidade infantil
Segundo datos da OMS, a taxa de mortalidade de nenos e nenas menores de 5 anos diminuíu un 47% en 14 anos. Aínda así, 18.000 nenos e nenas morren cada día, na maioría dos casos por culpa de enfermidades que se poden prever, e polo tanto evitar, como a malaria, as diarreas e a pneumonía.
A pesar das dificultades, algúns países que en 1990 tiñan taxas de mortalidade infantil moi altas conseguiron xa reducir dúas terceiras partes estas cifras. Son Bangladesh, Etiopía, Malawi, Nepal, Tanzania e Timor Leste.
ODM 5: Reducir en tres cartas partes a mortalidade materna
África Subsahariana é a rexión do mundo con maior taxa de mortalidade materna: só se atende ao 46% dos partos. É nestes nacementos onde producen a metade das mortes maternas do mundo. O risco de morrer durante o embarazo ou no parto afecta a 1 de cada 16 mulleres en África Subsahariana; nos países ricos, a 1 de cada 3.800. A educación e sensibilización da poboación e a promoción e defensa dos dereitos sexuais e reprodutivos das mulleres é fundamental para dar a volta a estas terribles cifras.
ODM 6: Deter e reducir para 2015 a propagación do VIH/SIDA e a incidencia de enfermidades como a malaria e outras enfermidades graves.
En 2012, o 72% de todas as novas infeccións de VIH déronse en África subsahariana. As mulleres novas son as máis vulnerables á infección debido a factores fisiolóxicos e tamén ás desigualdades de xénero na capacidade de decidir ter relacións sexuais sen riscos e a posibilidade de acceder a información e servizos de prevención e tratamento. Tamén en África subsahariana, 1 de cada 20 persoas adultas son portadoras do VIH, o 69% do total mundial. En todo o mundo, só un 28% dos nenos e nenas seropositivo acceden ao tratamento.
Actualmente queda menos dun ano para chegar a 2015, a data na que a comunidade internacional marcou como límite para cumprir os ODM e aínda que se fixeron avances importantes estase moi lonxe de conseguilos. É o momento que a comunidade internacional reflexione sobre a falta de vontade política para alcanzalos, sobre os errores cometidos e sobre as leccións aprendidas, tanto positivas como negativas.
Para as ONG de Desenvolvemento a Axuda Oficial ao Desenvolvemento é imprescindible para financiar actuacións que melloren as condicións de vida das persoas e, polo tanto, se traballe para alcanzar os ODM. Actualmente, a Xunta de Galicia dedica un 0,05 % do seu orzamento ás políticas de cooperación ao desenvolvemento, unha porcentaxe que queda moi lonxe do 0,7% comprometido no Pacto Galego contra a Pobreza asinado por todos os partidos políticos.
No período comprendido entre 2010 e2013 a cooperación galega destinou 1,4 millóns de euros á proxectos de saúde xeral e básica e 2,5 millóns a programas de saúde sexual e reprodutiva. A nivel estratéxico, a saúde é un dos eixes de traballo prioritarios para a cooperación galega segundo se establece no III Plan Director de Cooperación ao Desenvolvemento. Tamén para as ONGD galegas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
