Alumnos bureleses visitan o barco museo Reina del Carmen

Os alumnos de 1º de primaria do CEIP Virxe do Carme de Burela estiveron de excursión este xoves coas monitoras de Gaia. Esta vez visitaron o barco museo Reina del Carmen e a nave de redes. Segundo explican as monitoras de Gaia “os rapaces achegáronse, deste xeito, á vida do mar, en concreto á pesca do bonito, e visitaron os distintos compartimentos do barco, hoxe en día convertido nun museo. Ademais puideron observar o oficio de redeira, que sen dúbida esixe de moita destreza e minuciosidade e é para moitos de nós descoñecido”.