Cada vez son máis os peregrinos e colectivos que se interesan pola variante costeira do Camiño a Santiago ao seu paso pola comarca de A Mariña. Nesta ocasión arredor de 120 persoas vinculadas á obra social do colexio Panjón, de Granada percorrerán este trazado os vindeiros días 13 e 14 de abril.
Esta previsto que os peregrinos cheguen a Ribadeo para pernoctar en diferentes establecementos de hostalería da localidade o día 12, logo de a etapa que ese mesmo día iniciarán en La Caridad.
Ao día seguinte partirán de Ribadeo con destino a Foz pasando por Rinlo, a Praia das Catedrais e outros enclaves do concello de Barreiros e Foz entre os que cabe subliñar a Basílica de San Martiño de Mondoñedo, onde serán recibidos por membros da Corporación Municipal focega. Os caminantes farán unha visita guiada ao templo. Ese día farán noite en Foz, onde xa teñen reservado aloxamentos en varios hoteis da vila.
O luns, 14 iniciarán o camiño en San Martiño para chegar a Mondoñedo pasando por A Hermida, Alfoz, Oirán, Masma e Viloalle. A expedición aprobeitará para facer un percorrido pola parte non urbana do roteiro turítico-literaio “Leiras Pulpeiro” e visitar a área paisaxística de A Fervenza e coñecer as pozas e fervenzas que vai deixando ao seu paso o rio Tronceda, así como lugares pintorescos de especial atractivo como os que se poden divisar desde a Ponte dos Carabullos.
En Mondoñedo visitarán o Centro de Interpretación do Camiño Norte a donde teñen previsto chegar ás seis da tarde e ser recibidos por representantes do Concello de Mondoñedo.
En Mondoñedo concertaron estadía en hoteis e casas rurais.
Ao día seguinte continuarán o Camiño cara a Terra Chá.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
