Dende o PSdeG-PSOE de Burela queremos criticar o uso partidista que claramente fai o Partido Popular de Burela do persoal do Concello. Vimos detectando, e varios veciños e veciñas así no lo fixeron chegar, a persoal do GRUMIR de Burela repartindo propaganda do Partido Popular polos establecementos do pobo, o que demostra, unha vez máis, o uso partidista, caciquil e sectario que fai o Partido Popular de Burela do Concello e dos seus traballadores.
Isto que criticamos non fai máis que corroborar a clase de política que fai o Partido Popular de Burela, onde a política do favor e clientelar que practicou toda a vida está máis vixente ca nunca e que fai que se poidan poñer en dúbida moitas cousas que se fan dende este equipo de “desgoberno” do Partido Popular de Burela.
O Partido Popular de Burela está a vender os postos de traballo no Concello a cambio de traballar pola “causa”. Estes xeitos de facer política teñen que desaparecer dunha vez por todas da vida política, xa que os veciños e veciñas o están a pedir a berros.
Dentro de moi poucos días, nas eleccións europeas, poderase comprobar facilmente que isto que nos estamos a criticar é así. E non facerá falla máis que darse unha volta polos colexios electorais para darlle unha ollada ós interventores do Partido Popular e ver cantos deles teñen unha vinculación laboral có Concello ou con algunha das empresas que traballan para o mesmo. Calquera veciño que teña interés poderá comprobar que isto que denunciamos é unha realidade.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
