Lourenzá, 11 de abril de 2014. A comisión formada por representantes políticos e veciñais para elaborar o escudo do Concello de Lourenzá reunirase o vindeiro luns, 14 de abril, ás sete da tarde para analizar a proposta recibida. Anunciouno este venres a alcaldesa, Emma Álvarez Chao.
“O vindeiro luns ás sete da tarde teremos unha reunión da comisión que creamos para a elaboración do escudo e a bandeira do Concello de Lourenzá, na que están representantes políticos e tamén das asociacións municipais agás da Anpa, que de xeito expreso manifestou que non quería participar. A esta reunión asistirá o vicepresidente da Comisión Heráldica, que ademais é delegado do Consejo Superior de Investigaciones Científicas (CSIC) en Galicia e tamén presidente do Instituto Padre Sarmiento, que é Eduardo Pardo de Guevara. Está pendente de confirmar a presenza do presidente da Comisión Heráldica, que ao mesmo tempo é o director xeral de Administración Local, Alberto Pazos”, explicou a rexedora municipal.
Emma Álvarez lembrou que “é a segunda reunión, xa que tivemos a primeira no pasado mes de xuño e nela sacamos como conclusións que non tíñamos escudo, que estamos traballando cun logo e que é moi importante aprobar un escudo para utilizar nos membretes oficiais, pois a día de hoxe estamos cometendo unha irregularidade posto que tíñamos que estar utilizando o escudo do Reino de España. Naquela última reunión as propostas que dende a Comisión Heráldica nos formularon aos veciños que estábamos alí, representando tanto á parte política como ás asociacións, de xeito unánime rexeitámolas porque non estamos dispostos a renunciar a que a Ponte da Pedra estea presente no escudo do noso concello. Despois foron varias as propostas que nos mandaron dende a Comisión Heráldica, pero sempre eran pontes con dous ollos e polo tanto non chegamos nin tan sequera a reunir esta comisión creada no Concello de Lourenzá para analizar esas propostas pois foron rexeitadas xa polo equipo de goberno”.
A alcaldesa engadiu que “agora si temos unha proposta cunha ponte dun só ollo ademais doutros símbolos. Hai que ter en conta que Lourenzá é un concello que está cargado de historia, que pode estar representada nesta vitrina que será o noso escudo. Polo tanto a reunión que teremos o vindeiro luns ás sete da tarde é para que Pardo de Guevara nos explique en que consiste este novo escudo e tratar de dicir de forma unánime se nos vemos ou non representados nel e se continuamos cos trámites para convertelo no escudo oficial no noso concello”.
*Foto de arquivo correspondente a unha xuntanza da comisión de representantes veciñais e políticos do municipio para a eleboración dun novo escudo para o Concello que se celebrou en xuño do pasado ano.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
