Santiago de Compostela, 19 de abril de 2014. – Este sábado fíxose pública en Santiago de Compostela a única candidatura presentada para dirixir A Mesa pola Normalización Lingüística a partir da Asemblea Nacional que se realizará no Centro socio-cultural Ágora da Coruña o vindeiro sábado 26 de abril.
A presentación desta candidatura “de continuidade” estivo arroupada por Carlos Callón e Iria Taibo, actuais presidente e secretaria xeral, quen salientaron que malia decidiren non se presentar á reelección nos postos de dirección non deixan o activismo na asociación. “Se A Mesa non existise habería que inventala”, sinalou a ese respecto o presidente en funcións.
A proposta de nova comisión permanente que se presentará á Asemblea Nacional está encabezada por Marcos Maceira Eiras, que será o novo presidente. Licenciado en Historia e Xestor Cultural, Marcos Maceira é membro da actual permanente da Mesa e da Xestora da plataforma cidadá Queremos Galego desde o seu nacemento. Desde 2007 é o responsábel de coordinar a organización do Correlingua.
O seu activismo comeza no ensino medio, etapa en que representou os Comités Abertos de Estudantes no Consello Escolar de Galiza (1996-98) e continuou na universidade como Responsábel de Organización dos CAF (1999-2001). Como activista cultural foi Secretario (2002-2012) e Presidente (2012-2014) da Agrupación Cultural O Galo e vicepresidente da federación de asociacións culturais Galiza Cultura.
As vicepresidencias serán ocupadas por Mónica Pazos Martínez e Carlos Outeiro Baamonde. Mónica Pazos é profesora de Lingua e literatura galega, participou nos Equipos de Normalización Lingüística de varios centros galegos e ten unha dilatada traxectoria como activista cultural en diferentes colectivos, entre os que destaca A Pomba do Arco de Foz.
Carlos Outeiro repite como vicepresidente da asociación. Enxeñeiro en Navantia, leva anos exercendo como responsábel da Mesa na comarca de Ferrolterra.
Susana Méndez encargarase de asumir a Secretaría Xeral. Enfermeira e licenciada en Antropoloxía Social e Cultural, conta cunha ampla traxectoria como sindicalista e activista cultural. É coordinadora da xestora da plataforma Queremos Galego e ocupaba até este momento unha das vicepresidencias da Mesa.
Paulo Filgueiras Fachal, profesor de Lingua e literatura galega continúa como Coordinador de Zonas e incorpóranse como vogais Elsa Quintas Alborés, avogada e coordinadora do Observatorio de Dereitos Lingüísticos, que leva anos vinculada á asociación desde que entrara nas Mocidades da Mesa, e Manuel Rei Romeu profesor de Lingua e Literatura galega cun amplo traballo como activista e crítico literario, salientando por ser un dos maiores especialistas na obra de Castelao.
Marcos Maceira sinalou que a candidatura que encabeza asume o compromiso de continuar o traballo na Mesa, “consciente da dura situación que vivimos, mais cheos de esperanza ao comprobar como nos últimos anos a mobilización social en favor do galego medrou exponencialmente”. “Unha mobilización imprescindíbel xa que, segundo a historia demostra, todos os avances que o galego foi conseguindo se deberon á mobilización social do pobo”, argumentou.
Neste senso destacou como un dos desexos da nova permanente da Mesa poderen “acompañar e apoiar un Goberno galego merecente de tal nome no traballo por lle devolver ao noso idioma o status legal e social que lle corresponden como lingua propia de Galiza”, mais lamentou que os esforzos do executivo de Feijóo “camiñen na dirección oposta”. “Feijóo debería honrar o posto de máis alta representación do pobo galego. Mais se despreza a nosa lingua, o noso maior sinal de identidade, despreza tamén o pobo que representa”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
