Cervo, 22 de abril de 2014- A delegación de Seguridade Cidadá informou este martes do incidente dun camión de grande tonelaxe que viaxaba con destino ao polígono de Cuíña e que quedou atrapado no faro de punta Atalaia, onde tivo serios problemas para dar a volta e saír. Un axente da Policía Local, que se atopaba de patrulla, acudiu a axudalo.
Este é o segundo caso en menos dunha semana no que un camión ten dificultades para acceder ao polígono de Cuíña. Hai dous días foi outro vehículo de grande tonelaxe o que tentou entrar ao parque empresarial pola estrada de Espiñerido, quedando atrapado nunha pequena ponte. Unha situación que se produce constantemente en varios lugares de entrada a San Ciprián. Outro é unha curva pronunciada que existe na ponte sobre a vía do tren, en San Ciprián, ao pasar o colexio.
Desta maneira, casos como o deste martes “poñen en evidencia que necesitamos de forma urxente os accesos ao polígono”, asegura o edil de Seguridade Cidadá, José Ramón Soto. “A Deputación non pode retrasar máis esta obra, que uniría a estrada N-642 co polígono sen que os camións teñan que pasar en ningún momento por diante do colexio de infantil e primaria, do instituto de secundaria e, en definitiva, polo núcleo urbano de San Ciprián”, engade. O concelleiro lembra que na actualidade non hai ningunha vía que permita a entrada de camións de grande tonelaxe sen pasar obrigatoriamente por San Ciprián, o que implica problemas de tráfico e seguridade viaria.
Dende o Concello anuncian que colocarán máis sinais de tráfico para indicar o polígono, “pero iso non soluciona o problema de base”. “A Deputación ten que asumir a súa responsabilidade e entender dunha vez que necesitamos uns accesos reais, preparados para camións de grande tonelaxe, que non pasen polo núcleo urbano, que sexan directos, que faciliten o tránsito de mercancías e que potencien o asentamento empresarial”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
